Aragonés oriental

De Biquipedia
Ir ta: navego, busca
Aragonés Oriental
Variedat de l'aragonés
Parlas orientals de l'aragonés.svg
Localización cheografica
Territorios Dende a val de Chistau dica Benás
Lugar(s) principal(s) Chistén, Castilló, Campo, Graus y Benás
Literatura
Escritors principals Nieus Luzía Dueso, Ana Tena

L'aragonés oriental son as variedatz d'aragonés que se charran en a Ribagorza, a Fueva y Val de Chistau. En un sentito amplo (y sin parar cuenta en a propuesta de clasificación d'as parlas altoaragonesas en quatre brancas), l'aragonés oriental tamién comprendería l'aragonés central d'a cuenca d'o Cinca y l'aragonés meridional d'o Semontano de Balbastro.

Fonetica[editar | editar código]

Sonorización d'as xordas intervocalicas latinas en a part más gran d'os casos:

Melico, Caxico y Forato tienen xorda en lugars y comarcas más meridionals de l'Alto Aragón, asinas que pareixe que a sonorización empecipió de forma independient que en aragonés meridional y occidental. O fenomeno empecipió ya en o sieglo X, como demuestra o texto latino arromanzato de "As decimas de Castillón". A toponimia contrimuestra que fa uns sieglos o sector oriental no sonorizaba tanto, porque mos trobamos forato en a toponimia d'A Fueva.

Bi ha més casos que en atras variedatz d'aragonés d'evolución d'o grupos latíns -TY, -CE, -CI, -DE en posición final ta -u como en catalán, en especial a vocalización en -u d'este zaguero:[1].

  • HEREDE-M > *hered > hereu.
  • PEDE-M > *ped > peu.
  • PRODE > *prod > prou.
  • SEDE-M > *sed > seu y o toponimo Chuseu.
  • GRADU-M > *grad > grau y o toponimo Graus.

Morfolochía[editar | editar código]

  • Participios en -au, -iu por vocalización d'a -d final producto d'una primera sonorización seguita de l'apocope d'a o final d'alcuerdo con a lei fonetica debantdita:[1]
    • CANTATU > cantado > cantad > cantau.
    • PERDETU > perdedo > perded > perdeu (en benasqués) > perdiu.
    • SENTITU > sentido > sentid > sentiu.
  • Pasato perfecto perifrastico como o catalán moderno:
    • "el(l) va cantá" en cuenta de "él cantó"
  • Conservación buena d'a particla pronomino-adverbial I, mesmo en zonas muito a lo sud on atras variedatz, (meridionals), la han perdita.

Conclusions[editar | editar código]

S'alzan bien as caracteristicas que son comuns en catalán y aragonés.

Divisions[editar | editar código]

Nota: Foncense, Estadillano, Grausino, Campés, ecetra..son parlas locals; Fobano, Baixorribagorzano, Benasqués, Chistabín, ecetra...son parlas de comarca, (u una val en concreta).

Referencias[editar | editar código]

  1. 1,0 1,1 (es) Javier Terrado Pablo "Los participos ribagorzanos en -áu, -éu, -íu". Caplletra 32.


Dialectos de l'aragonés
Aragonés occidental | Aragonés central (centro-occidental y centro-oriental) | Aragonés oriental | Aragonés meridional


Variedatz orientals de l'aragonés
Altorribagorzano (Benasqués) | Chistabín | Fovano | Meyorribagorzano (incluindo o campés) | Baixorribagorzano (incluindo o foncense, estadillano y grausino)