Descusión:Exulve

En una pachina web d'historia local [1] deciban que las referencias sin -e final son mes antigas y transmitié la información d'esta pachina quan fice l'articlo. Dimpués he visto que las formas con -e final tamién son antigas, veigo que esta información transmite la interpretación de l'autor pero no da citas concretas de textos que amuestren lo que l'autor interpreta. Encara que las formas sin -e final tipo Exulv se documenten en textos medievals, yo quasi siempre veigo Xulve, Xulbe, Exulve y Exulbe en textos escritos en aragonés, y tamién en los textos escritos en latín medieval como los relacionaus con los Calatravos d'Alcanyiz a on nombran una sierra d'Exulve. Las referencias sin -e a un Axulp, Exulp, Exulv, Axulv u Xulv quasi siempre son en textos escritos en catalán medieval o en latín relacionau con elementos catalans, por eixemplo quan Alifonso II lo Casto cedió Villar Luengo a la Orden de lo Hespital de lo Santo Redentor. En cheneral yo veigo que en los textos escritos en la scripta medieval cheneral aragonesa y en aragonés terolano ye con -e final: exulve, exulbe, xulbe, xulve. Los textos escritos en aragonés medieval cheneral u terolano gosan estar posteriors a Pero III (zaguer tercio de lo sieglo XIII) y enantes se gosaba escribir en latín medieval. A diferiencia de lo que comenta l'autor de la pachina web d'historia local yo veigo que en los sieglos XIV y XV siempre ye Xulve, Xulbe, Exulbe y Exulve. Muitas de las referencias sin -e final de sieglos anteriors podrían estar resultau de mencions en catalán dende Valencia y Barcelona escritas en latín medieval por catalanofonos, u relacionadas con templers catalanofonos con dominios en las Bailías.--EBRO (descusión) 09:16 26 chi 2019 (UTC)