Bos taurus
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre o toro, ta la localidat zamorana de Toro, se veiga Toro (Zamora).
| Vaca | ||||||||||||||||||
 Bos taurus, a vaca domestica | ||||||||||||||||||
| ||||||||||||||||||
| ||||||||||||||||||
| Bos taurus | ||||||||||||||||||
| Linnaeus, 1758 | ||||||||||||||||||
| ||||||||||||||||||
A vaca (d'o latín < VACCA[1]) (Bos taurus (L., 1758)) ye un mamifero domestico de grans dimensions, estendillato per totz os continents dintro de dos d'as suyas subespecies: a vaca europea (subespecie Bos taurus taurus) y lo cebú (Bos taurus indicus).
D'entre lo bestiar bovino son inclusas as subespecies B. taurus taurus (d'o latín taurus, toro) y B. taurus indicus (o cebú, a vaca sagrada d'a India). Os masclos fertils d'esta especie son ditos toros y anque prou més escasos que no las fembras (vacas propiament ditas), gosan estar posatos como sementals en a ramata d'entre os meses de marzo y d'abril, ta cubrir-las perque ye quan as fembras son marrideras. Siga en raza de leite u paixenteras (destinatas ta fer-ne carne), ye important de tener-los deseparatos ta que no s'enristan entre ells en ixa epoca.
As fembras gosan estar més pacificas, anque son famosas per estar capezutas quan no quieren fer cosa, dica lo punto que cal enrestir-las con os cans u fustiyar-las ta fer-las andar.
Bell masclo, sobretot ta las fayenas d'antes, yera capato en a suya adolescencia ta fer-los marchar més mansos. D'ixa manera s'obteneban os bueis. Actualment, a castración només s'aplica a os vetiellos en a industria carnica per tal d'evitar que les apareixcan os nivels més altos de textosterona en l'adolescencia, que fan, entre altras cosas, que la carne se torne més dura. De maniera més cheneral, a parola buei tamién puet estar emplegata ta totz os bovins (usualment salvaches) de mida gran, como os gaurs u bantengs d'Asia.
As crías d'este animal se dicen vetiellos/as u vediellos/as en a forma que sonoriza ixa "T", tamién existe a forma arcaica vetiechos/as
Orichen d'a especie[editar | modificar o codigo]
Bi ha una gran controversia arredol d'o tema. Encara que os investigadors no plegan enta garra alcuerdo, se'n consideran dos hipoteticos orichens:
- Orichinalment, totas as variedatz bovinas actuals son descendentas de l'uro (Bos primigenius u B. taurus primigenius en a nomenclatura actual) lo qual podeba haber feito puesto a qualque subespecie intermedia (B. taurus brachyceros), lo qui presuntament habría dato las variedatz actuals.
- Diversas poblacions prehistoricas d'Uros primitivos (d'os quals, no se'n tiene fosils), evolucionando de maniera paralela, habrían feto puesto a lo B. taurus primigenius que se conoix, y lo B. t. brachyceros. Ixas dos especies habrían dato pues as subespecies actuals. D'acuerdo con este modelo a subespecie africana Bos primigenius hahni sería l'antecesora d'as razas bovinas africanas y de bella raza de color royisca d'a Peninsula Iberica.
Aptitutz[editar | modificar o codigo]
Esta especie s'emplega regularment en a producción de leit y carne, anque en bell país encara tiene importancia como bestia d'estira.
A demés, en muitos puestos d'Iberoamerica, Espanya, Portugal, Francia u os Estaus Unius s'emplega encara como bestia en espectaclos taurinos
Biolochía[editar | modificar o codigo]
As vacas son animals remugants. Ixo significa que tienen un sistema dichestivo especialment adaptato ta la dichestión d'alimentos a partir d'os quals altras especies animals no en podrían quitar cosa. A remuga ye, de feito, a devuelta d'os alimentos de l'estomago enta la boca ta continar con o suyo proceso de mastigación.
O sistema dichestivo d'a vaca ye evolucionato ta formar tres cavidatz, ditas popularment estomagos, que no en son tals, y se sitúan d'antes no lo un verdadero, dito abomaso. As cavidatz se claman reticlo, rumen y omaso. Adintro d'o rumen, que ye la una de més gran mida, viven microorganismos (bacterias, protozoos y fongos) anaerobicos que fan simbiosi con l'animal. Son estes os qui tienen a capacidat de dicherir os hidratos de carbonio (como la celulosa u l'acido fitico (fuent important de fosforo vechetal, que sien d'ells a vaca no podería aproveitar). En a relación de simbiosi, a vaca les proveye l'alimento y un ambient favorable ta que medren.
Sonius[editar | modificar o codigo]
Un soniu tipico d'esta especie ye o gramito, bramido[2], bramiu[2], bramizo[2], esgramaco[3] u esbramec[4][5], y l'acción de fer este soniu se diz bramar[2], esgramucar[6], esbramucar[6], esbramugar[2], esbramegar[4][5], u esgramaquiar[3], verbos que derivan d'o latín BRAMARE[7], que ye un goticismo primerenco en latín.
Recensada mundial[editar | modificar o codigo]
Bi ha aproximadament 1.300 millons de cabezas bovinas en o mundo, en l'anyo 2009, d'os quals 250 millons son cebús.
O continent con a més gran cantidat de bovins ye America, con bells 450 millons, encorrito per Asia (con 300 millons), Europa (270 millons), Africa (160 millons) y Oceanía (con 50 millons).
| Region | Cattle population |
|---|---|
| India | 281,700,000 |
| Brasil | 187,087,000 |
| China | 139,721,000 |
| Estaus Unius | 96,669,000 |
| Unión Europea | 87,650,000 |
| Argentina | 51,062,000 |
| Australia | 29,202,000 |
| Mexico | 26,489,000 |
| Federación Rusa | 18,370,000 |
| Republica Sudafricana | 14,187,000 |
| Canadá | 13,945,000 |
| Atros | 49,756,000 |
Razas bovinas[editar | modificar o codigo]
A continación se veiga una lista de bells razas bovinas, ta mes información se veiga: Lista de razas bovinas.
Razas alemanas:[editar | modificar o codigo]
Razas archentinas:[editar | modificar o codigo]
- Vaca Criolla Archentina.
- Vaca Brangus.
- Baca Braford.
- Vaca Holando Archentina.
- Vaca Angus Archentina.
Razas britanicas:[editar | modificar o codigo]
- Vaca Aberdeen Angus.
- Vaca Devon.
- Vaca Belted Galloway.
- Vaca Galloway.
- Vaca Jersey.
- Hereford.
- Vaca Red Poll.
- Vaca Shorthorn.
Razas chilenas:[editar | modificar o codigo]
Razas colombianas :[editar | modificar o codigo]
- BON (Blanca d'orellas negras).
- Vaca china santadereana.
- CCC (Costenyo con cuernos).
- Casanare.
- Vaca Hartón del Valle.
- Lucerna.
- Vaca Romosinuano.
- Vaca Sanmartinero.
- Vaca Velásquez.
- Vaca Brandolini y Sarmiento.
Razas danesas:[editar | modificar o codigo]
Razas espanyolas:[editar | modificar o codigo]
- Vaca Albera u Masanesa.
- Vaca asturiana De la Montanya.
- Vaca asturiana De los Valles.
- Vaca Avilenya-Negra Ibérica.
- Vaca Blanca Cazereña, antigament conoixita como «raza extremenya»..
- Vaca Berrenda.
- Vaca Betiso.
- Vaca canaria u criolla.
- Vaca Cachena u Pisca.
- Vaca Caldeana.
- Vaca Cárdena andaluza.
- Toro de Lidia.
- Vaca Limiana.
- † Vaca Mantequera leyonesa (extincta).
- Vaca menorquina u mahonesa.
- Vaca Monchina.
- Vaca Morucha u salmantina.
- Vaca Murciana u levantina.
- Vaca Negra andaluza.
- Vaca Pajuna u serrana.
- Vaca Palmera.
- Vaca pirenenca.
- Vaca Retinta.
- Vaca Rubia gallega.
- Vaca Salinera andaluza.
- Vaca Sayaguesa u zamorana.
- Vaca Serrana negra u serrana soriana.
- Tudanca.
- Vaca Berinesa.
- Vaca bianesa.
- Vaca mallorquina.
Razas estausunidenses:[editar | modificar o codigo]
Razas francesas:[editar | modificar o codigo]
- Vaca Aubrac.
- Vaca Charolesa.
- Vaca Limusina.
- Vaca Montbeliard.
- Vaca Normanda.
- Vaca Blonde Aquitane.
- Toro d'a Camarga.
Razas olandesas:[editar | modificar o codigo]
- Vaca Frisona o Holstein.
- Vaca Dutch Belted.
Razas hungaras:[editar | modificar o codigo]
- † Vaca gris hongara u bos primigenius hungaricus.
- Vaca colorida hongara.
Razas mexicanas:[editar | modificar o codigo]
Razas portuguesas:[editar | modificar o codigo]
- Vaca Alentejana.
- Baca Arouquesa.
- Vaca Mirandesa, Ratinha u Frieiresa.
- Vaca Ramo Grande.
- Vaca Cachena.
- Vaca Garvonesa.
- Vaca Marinhoa.
- Vaca Maronesa.
- Vaca Mertolenga.
- Vaca Minhota.
- Vaca Barrosa.
- Vaca Preta.
Razas suizas:[editar | modificar o codigo]
Razas venezolanas:[editar | modificar o codigo]
Se veiga tamién[editar | modificar o codigo]
Referencias[editar | modificar o codigo]
- ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.450
- ↑ 2,0 2,1 2,2 2,3 2,4 (es) María Luisa Arnal Purroy: Diccionario del habla de la Baja Ribagorza Occidental. Gara d'edicions, 2003. p 53, p 95.
- ↑ 3,0 3,1 (es) Blas Gabarda, F.: Romanos Hernando, F. Diccionario aragonés. chistabín-castellano. Ainas. Gara d'edizions, 2008. p 250.
- ↑ 4,0 4,1 (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 154.
- ↑ 5,0 5,1 (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. p 162.
- ↑ 6,0 6,1 (es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008, p 239.ISBN 978-84-96457-41-6
- ↑ (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). p 328 pp 331-332.
Vinclos externos[editar | modificar o codigo]
Se veigan as imáchens de Commons sobre vacas.
Wikispecies tiene un articlo sobre vacas y toros.
