Aparato dichestivo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aparato dichestivo.

L'aparato dichestivo ye o conchunto d'organos que participan en a dichestión, ye decir, a transformación d'os alimentos ta que puedan ser absorbitos y utilizatos por as celulas de l'organismo. En os metatous bi ha dos modelos d'aparato dichestivo: cambra gastrovascular y tubo dichestivo.

A fin d'o proceso dichestivo ye a mesma en toz os animals: as macromoleculas d'os alimentos (proteínas, grasas y polisacaridos), se desfan y se converten en moleculas prou chicotas pa que sigan absorbitas y pasan ta la sangre: aminoacidos, monosacaridos, acidos grasos y atras.

A dichestión en consiste en cuatre procesos que pueden dar-sen a lo mesmo tiempo en bel organo:

• Dichestión mecanica
• Dichestión quimica
• Absorción
• Defecación

En os mamiferos o tubo dichestivo ye formau por a boca, farinche, esofago, estomago, bodiello chicot y bodiello gordo, y bi ha unas glandulas anexas (figado y pancrias u rosta) que producen secrecions pa permitir reaccions quimicas de descomposición. As vías dichestivas propiament ditas son o esofago, o estomago y o bodiello u estentín.

As vías dichestivas tienen una paret con tres capas de teixiu bien definidas y homochenias, que son dende fuera t'adintro a capa serosa, a capa muscular y a capa mucosa. A capa serosa ye de teixiu conchuntivo. A capa muscular ye en a suya mes gran part de teixiu muscular liso con capa externa de fibras lonchidudinals y una capa interna de fibras circulars. A capa mucosa ye a mes interna y tien celulas glandulars.

Bibliografía

• C.P.J.Hickman: Principios Integrales De Zoologia - 10ª Ed. McGraw-Hill. 1998.
• Natividad Ferrer Marí, Miguel Gracia Vicente, Manuel Medina Martínez: Bachillerato. Biología y Geología Bruño, 2008.

Vinclos externos

• Se veigan as imáchens de Commons sobre l'aparato dichestivo.

• Datos: Q9649
• Multimedia: Digestive system / Q9649