Bramido

De Biquipedia
Ir ta: navego, busca

Bramido u gramido (d'o latín <BRAMARE[1], bramar) ye o nombre que reciben en aragonés diferents tipos de vocalizacions graus, profundas, emitidas por animals.

O bramido ye o soniu caracteristico d'animals como a vaca u o ciervo, que o fan d'una forma dilatada, sostenida, pero tamién ye como se dicen as vocalizacions mas explosivas que fan bells carnivoros, como l'onso u os grans felidos.

L'acción d'emitir un bramido ye bramar, y por coherencia a on se diz gramido, l'acción ye gramar. Formas como bramuqueyar ("bramuquiar") u gramuqueyar ("gramuquiar") expresan insistencia (son verbos iterativos) u debilidat en os bramidos que fa un animal u un rabanyo.

Referencias[editar | editar código]

  1. (es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6