Tauromaquia

De Biquipedia
Ir ta: navego, busca
Un toro enrestindo a un torero

A tauromaquia (d'o griego ταῦρος, toro, y μάχεσθαι, luitar) en o suyo significato amplo, se refiere a tot o referent a la practica de lidiar toros, estando a suya expresión más elaborata a corrida de toros. Ye una fiesta popular en Aragón y belatros países d'Europa como Espanya, Portugal y o sud de Francia, asinas como bells países d'America Latina como Mexico, Colombia, Perú, Venezuela, Ecuador, Panamá y Bolivia y como espectaclo d'exhibición en China, Filipinas, Estados Unitos y Cuba. En a Corona d'Aragón tenemos conoixencia d'a tauromaquia dende a Edat Meya, y Chuan I en yera aimant. Un texto de l'Archivo d'a Corona d'Aragón describe como demandaba os servicios d'un matador de toros:

Porque querríamos tomar plazer en ver-os matar toros, vos dezimos et mandamos que vengades aquí a nós con IIII toros, los más bravos que haver podredes, e VIII murellos e dos alanes vaqueros e dos matatoros.[1]

Movimientos antitaurinos[editar | editar código]

Dende a fins d'o sieglo XX, diferents collas ecolochistas y animalistas, como la Colla Antitaurina Oszense,[2] demandan a prohibición d'as corridas de toros, sin guaire suerte. En as Islas Canarias as corridas de toros estioron prohibidas por o Parlamento de Canarias o 30 de abril de 1991 dende una Iniciativa Lechislativa Popular (ILP) presentata por l'Agrupación Tinerfeña de Independientes. [3] A ciudat de Barcelona, se declaró de traza oficial contra a tauromaquia en l'anyo 2004 por una petición popular que arreplegó 245.000 firmas y a Generalidat de Catalunya lo fació o 28 de chulio de 2010 con efecto d'1 de chinero de 2012 ta toda Catalunya contra as corridas de toros pero protechiendo os Correbous.

Referencias[editar | editar código]

  1. Salvador Santpere i Miquel Las costumbres catalanas en tiempo de Juan I. Dorca, 1878 [1]
  2. Colla Antitaurina Oszense: 'Un domingo antitaurino en Zaragoza', [2] consulta 11/12/2015
  3. (es)Boletín Oficial de Canarias 1991/062. LEY 8/1991, de 30 de abril, de protección de los animales.