Universidat de Zaragoza

De Biquipedia
Ir ta: navego, busca
Universidat de Zaragoza
Universidad de Zaragoza
Unizar.gif
Dentrada t'a Ciudat Universitaria de Zaragoza (campus prencipal)
Dentrada t'a Ciudat Universitaria de Zaragoza (campus prencipal).
Datos chenerals
Tipo Publica
Sieglas UZ
Embotada Unizar
Lema '
Establimiento 1542
Fundador Pedro Cerbuna
Localización
Adreza C/ Pedro Cerbuna 12, 50009
Ciudat Zaragoza
País Flag of Aragon.svg Aragón
Estato
Coordenatas
Atras seus l'Almunia, Chaca, Teruel y Uesca
Campus San Francisco, Río Ebro
Datos academicos
Profesors 3.500
Estudiants 32.700
 • Bachillerato
 • Pregrau
 • Postgrau
 • Doctorato
 • Atros
Treballadors
Funcionarios
Administrativos
Mascota
Colors
 •Academicas Azul y blanco         
 •Esportivas Azul y blanco         
Administración
Rector Manuel López Pérez
Vicerrector
Canciller
Vicecanciller
President
Director
Decano
'
Afiliacions
Financiamiento
www.unizar.es

A Universidat de Zaragoza ye a unica universidat publica d'Aragón, con seu en Zaragoza y campus en Zaragoza, Uesca, Chaca, Teruel y L'Almunia de Doña Godina.

Establita en 1542, aculle actualment (2004) amás de 32.000 estudiants y 3.500 miembros docents, en 22 centros y 60 titulacions.[1] L'actual rector ye Manuel López Pérez.

Historia[editar | editar código]

L'orichen d'a Universidat en o territorio que hue clamamos Aragón gosa situar-se en a escuela de letras que o cheneral romano y pretor uescano Quinto Sertorio creyó en o sieglo I a. C. en Osca ta os fillos d'os mainates locals. Ista escuela se considera a simient d'a futura universidat medieval. En 1354, Pero IV d'Aragón decreta a creyación d'a primer universidat d'o reino: a Universidat Literaria de Uesca, conoixita posteriorment como Universidat Sertoriana de Uesca. En Zaragoza, as radices más viellas d'a Universidat se troban en l'antiga escuela catedralicia de Zaragoza, creyata en o sieglo VII por o Bispe Braulio, que dimpués fue nombrato patrón d'a Universidat de Zaragoza. Entre 1474 y 1476, o prencipe don Ferrando de Aragón, posteriorment Ferrando II d'Aragón torna o Estudio d'Artes de Zaragoza en un Estudio Cheneral d'Artes. Ya en o sieglo XVI Carlos I sinya en as Cortz de Monzón (10 de noviembre de 1542) o privilechio que la fa Universidat cheneral de totas as sciencias. O 28 de marzo de 1555 o documento ye confirmato por una bula pontificia, pero bells pleitos entre l'Arcebispe de Zaragoza y o Capítol sobre o nombramiento d'o rector, as protestas dende a Universidat Sertoriana y o Concello de Uesca, y más que más, as dificultatz de financiación por parte d'a Deputación d'o reino, facioron que a naixencia efectiva no fuese dica o 24 de mayo de 1583, gracias a Pedro Cerbuna que ye considerato o suyo fundador. Ixe día se nombró en A Seu a lo primer rector, Juan Marco, arciagne de Daroca. Asinas naixió a Universidat de Zaragoza, con un modelo similar a o d'a Universidat de París.

Beluns d'os suyos alumnos más ilustres han estau Miguel Serveto y Conesa, Cherónimo Blancas, l'Arcebispe Pedro Apaolaza Ramírez, Blas Antonio Nasarre, José Martí, Santiago Ramón y Cajal, Premio Nobel de Medecina en 1906, Manuel Azaña, president d'a II Republica, María Moliner, autora d'o conoixiu Diccionario de uso del espanyol y José Antonio Labordeta.

Lista de rectors[editar | editar código]

Manuel López Pérez, rector d'a Universidat dende 2008
Se veiga: Rectors d'a Universidat de Zaragoza.

O rector actual ye Manuel López Pérez. Fue esleyiu por a comunidat universitaria en as esleccions celebratas o 29 d'abril de 2008, y reesleyiu por quatro anyos mas o 21 de marzo de 2012. Fue nombrato rector por o Gubierno d'Aragón o 7 de mayo de 2008.

Centros Universitarios [2][editar | editar código]

Centros, Facultatz y Escuelas[editar | editar código]

Institutos universitarios d'investigación[editar | editar código]

Una d'as misions sinyaleras d'a Universidat de Zaragoza ye a investigación. Puede destacar-se, en os zaguers anyos, a creyación de nuevas estructuras especificas d'investigación: os Institutos Universitarios d'Investigación.

Antiparte, atros centros d'investigación, mixtos u adscritos encluyen:

Centros adscritos[editar | editar código]

Atros centros[editar | editar código]

Esporte[editar | editar código]

A Universidat de Zaragoza tien un programa esportivo a través d'o Servicio de Actividades Deportivas (SAD) que incluye un club poliesportivo dito Club Deportivo Universidad de Zaragoza con seccions de fútbol, baloncesto y rugby, antimás o Club Alpino Universitario.[3]

Vinclos externos[editar | editar código]

Referencias[editar | editar código]

  1. Censo Electoral 2008
  2. Centros d'a Universidat de Zaragoza
  3. Servicio de Actividades Deportivas (SAD)