Chenero (biolochía)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo trata sobre o chenero que ye una unidat de clasificación d'os sers vivos. Ta altros emplegos d'a palabra se veiga Chenero (desambigación).
Felis ye un chenero que comprende cualques especies, y ye compreso en a familia Felidae. En a imachen, un gato montesín europeu (Felis silvestris).

En taxonomía, un chenero ye una unidat sistematica ta la clasificación d'os organismos. Hierarquicament, o chenero ye una categoría que finca d'entre la familia y la especie; asinas, un chenero ye un grupo clasificador a on que s'unen diversas especies emparentadas. Sindembargo, bi ha bels cheneros que son monoespecificos (no contienen si que una especie).

Hierarquía d'os cheneros[editar | modificar o codigo]

A chinchipera gran u carbonero (Parus major) ye un miembro d'o chenero Parus.

D'a mesma traza que pasa con altros nibels (categorías) en a taxonomía d'os sers vivos, y perque ye prou deficil de clasificar as especies, diversos cheneros pueden agrupar-se en supercheneros; y tamién diversas especies a dintro d'o mesmo chenero cuan tienen caracteristicas mes similars d'entre ellas que con as altras especies que i son relacionatas, pueden agrupar-se en subcheneros. Estes, tamién, pueden organizar-se en infracheneros. En a siguient tabla as categorías obligatorias son marcatas en rosa. A ordenación de nivel mes cheneral enta lo mes particular ye cómo sigue:

Familia
  • [ Subfamilia ]
  • [ Infrafamilia ]
  • [ Tribu ]
  • [ Superchenero ]
Chenero
  • [ Subchenero ]
  • [ Infrachenero ]
Especie
(Os nivels obligatos son mesos con fundo rosa)

Nomenclatura[editar | modificar o codigo]

O nombre ta istes taxons cal que siga un sustantivo, sin que calgan normas explicitas ta la suya desinencia. En mutos casos, o taxón constituye un grupo d'especies tan natural que a palabra ta la designar-lo ye parte integradera d'o vocabulario popular. Ta fer l'ixemplo, o chenero Pinus ye una unidat "chenerica" en o sentito mes popular, y ye formato d'especies (os pins) que en o vocabulario popular tamién tienen denominacions "binominals", talment como en a clasificación cientifica: Pin crabero, pin borde, pin negro, pin royo, pinastra ecetra.

Historia d'o concepto[editar | modificar o codigo]

A chinchipera chica u ferreret (Parus caeruleus) tamién ye miembro d'o chenero Parus.

O concepto de chenero y la mesma palabra los proposó Joseph Pitton de Tournefort (1656-1708). Posteriorment Carlos Linneu los acceptó, y concretó asinas o suyo pensar:

Bi ha tantos cheneros como cuántas son estan as fructificacions similars que brostan d'as diferents especies naturals". Phylosophya botanica. Carl von Linné

Linneu y la suya escuela de botanicos establioron que os biaces ta clasificar os cheneros yeran as d'a fruita. Actualment, se sopesan una man de caracters, mes que mes, d'a flor en as plantas (y no pas d'a fruita), como la filotaxi, l'anatomía, etc.

D'entre as especies d'animals, os caracters presos son altros, siempre seguntes trazas propias de cada colectivo d'especies: as estruturas osias d'os vertebratos, os artillos d'os artropodos, ecetra. En os Archaea y Eubacteria, as caracteristicas a on que se para cuenta son sobretot metabolicas.

Se veiga tamién[editar | modificar o codigo]

Vinclos externos[editar | modificar o codigo]