Der hocharagonesische Dialekt
| Der hocharagonesische Dialekt | |
|---|---|
| |
Información cheneral
| |
| Autor | Alwin Kuhn |
| Chenero literario | Investigación y divulgación |
| Subchenero | Dialectolochía |
Versión orichinal en alemán
| |
| Títol orichinal | Der hocharagonesische Dialekt |
| Editorial | Societé de Linguistique Romane |
| Ciudat | París |
| País |  Francia
|
| Calendata de publicación |
1935 |
| Traducción en castellano | |
| Títol | El dialecto altoaragonés |
| Traductor | J. Antonio Saura y Xavier Frías |
| Editorial | Xordica Editorial |
| Ciudat | Zaragoza |
| País |  Aragón
|
| Calendata de publicación |
2008 |
| Formato | Rustica |
| Pachinas | 302 |
| ISBN | ISBN 978-84-96457-41-6 |
Der hocharagonesische Dialekt, traducible a l'aragonés como «O dialecto altoaragonés», anque s'ha expublicato en Aragón como El dialecto altoaragonés, ye un libro d'o romanista berlinés Alwin Kuhn en o que i reculle buena cosa d'os materials d'os suyos estudeos de campo en l'Alto Aragón en l'anyo 1932. Tiene una sola edición en luenga espanyola, feita por a editorial zaragozana Xordica Editorial en l'anyo 2008, en colaboración con o Departamento de Educación, Cultura y Deporte del Gobierno de Aragón, con a editorial Prensas Universitarias de Zaragoza, l'ayuntamiento d'a villa de Graus y a Sociedat de Lingüistica Aragonesa.
Der hocharagonesische Dialekt fué la tesi d'oposición a catedra d'o filologo alemán, per el que se i prodigó en a recopilación de materials (se considera una d'as obras más densas d'a filolochía aragonesa[1]) más que no en l'analís sistematica d'os materials recopilatos, sobretot si se compara con bellas obras d'autors contemporanios d'él como De quelques affinités phonétiques entre l'aragonais et le béarnais d'Elcock, expublicato 3 anyos más tarde y con abundants referencias a la obra de Kuhn.
O libro s'estructura en quatre partes: fonetica, morfolochía, formación de parolas en aragonés, y una quatrena parte de sociolingüistica, con gran valor, en a que reflexiona sobre la recesión de l'uso d'a luenga aragonesa ya en aquells anyos. A obra destaca per a gran cantidat de vocables patrimonials que i son recopilatos, comparable só que con a obra de Saroïhandy 30 anyos antes, anque con superiors conoiximientos dialectolochicos que proporcionoron a Kuhn l'avantalla d'orientar o suyo treballo cara a l'estudeo filolochico. Der hocharagonesische Dialekt tamién sirvió d'obra de referencia a belaltros filologos y lingüistas que posteriorment enqüestoron en l'Alto Aragón; ansinas ye per eixemplo una cita muit recurrent en a tamién emblematica obra de l'anglés W. D. Elcock De quelques affinités phonétiques entre l'aragonais et le béarnais.
Referencias[editar | modificar o codigo]
- ↑ (es) El dialecto altoaragonés en www.Xordica.com; Consultato lo 19 de chulio de 2010.
| Obras emblematicas en a filolochía aragonesa d'antes d'a Guerra Civil | |
|---|---|
| Estudeos: Quadernos de Saroïhandy (1906)* | Obras de Gerhard Rohlfs (anyos 1930) | Der hocharagonesische Dialekt (1935) | De quelques affinités phonétiques entre l'aragonais et le béarnais (1938) Vocabularios: Vocabulario de Aragón (Moneva y Puyol) (1924) | Nuevo diccionario etimológico aragonés (Pardo Asso) (1938) Literatura: Qui bien fa nunca lo pierde (1903) |