Estau de conservación d'especies

De Biquipedia
(Reendrezato dende Estato de conservación)
Ir a la navegación Ir a la búsqueda

O estau de conservación d'una especie ye la mida de probabilidat que ixa remane existindo en o futuro, parando-ie cuentas no nomás que ta o volumen de población actual si que tamién t'as tendencias amostradas per a especie a traviés d'os tiempos, d'a existencia de predadors u altras menazas, d'as modificacions previstas d'o suyo habitat, ecetra.

A más difundida d'as clasificacions posibles ta os estaus de conservación ye la que elaboró a Unión Internacional por a Conservación d'a Naturaleza (conoixida por as sieglas anglesas IUCN), a on que se compilan os datos d'a clamada Lista Roya d'as Especies Menazadas. A zaguera versión d'ixa clasificación fue publicada en o 2004 y distingue as siguients ueito categorías:

No Evaluau (NE)
Quan que no se tienen datos de garra estudeos sobre d'a viabilidat d'a especie, y temporalment son adscritos ent'a categoría No Evaluaus.
Datos Insuficients (DD)
Quan que os datos que se tienen d'a especie son desactualizaus u insuficients en qualidat y cantidat ta poder-ne decidir si a especie ye viable u no. Alavez, s'indica como a Insuficientment Datada. Ixo no quier pas decir que la especie sía fuera de periglo. Manimenos a sobén a manca de datos provién precisament de l'esparzo numero d'exemplars.
Periglo Baixo (LR)
A especie ha estau evaluada y os resultaus d'ixa evaluación diz que no mi ha razons ta considerar-la a garra d'as categorías más preocupadoras. Con a excepción d'os animals domesticos y d'o ser humano, que no están comprendius en a clasificación, totas as especies no menazadas se troban dintro d'ista categoría, a qualsiquiera d'as suyas tres soz-categorías.
Preocupación Menima (LC): A especie no cumple garra d'os criterios ta estar aconsiderada como a mereixedera de garra mesura de proteción.
Amanada ta a Vulnerabilidat (NT): A especie no ye obchecto de garra mesura de protección, anque as suyas poblacions son escasas u bien se troban restrinchidas a un habitat prou restrinchiu u que proximament en será.
Pendient de Mesuras t'a Conservación (CD): A especie podería estar dintro d'altras categorías de periglo más grans si no porque estás protechida por mesuras que ne regulan a existenxia.
Vulnerable (VU)
A especie se troba menazada d'extinción sía por o descenso d'a población, por a degradación d'o suyo hábitat, a introducción de parasitos u competidors, a fragmentación d'os suyos nuclios poblacionals u qualsiquier altra razón que faiga posibles eventos posteriors u catastrofes que la exterminen posteriorment.
En Periglo (EN)
A especie se troba en periglo d'extinción inminent, sía por un descenso estimau observau d'a metat d'a suya población en a suya decada, por a existencia de menos de 2500 exemplars adultos, por a restricción d'o suyo hábitat dica quotas por baixo d'os 5000 Km2, u altras causas.
En Periglo Critico (CR)
A especie ye menazada d'extincion en un futuro inmediato, sía por a desapareixencia d'alto ta un 80% d'os suyos miembros, u por a existencia de menos de 250 exemplars adultos, u por a restricción d'a suya aria de destribución ta 100 Km<sup<2 u menos.
Extinguiu en estau salvache (EW)
No s'han puesto trobar exemplars vivos d'a especie en o suyo medio natural encara que se n'haigan feto estudeos exhaustivos, y se considera que nomás que son conservaus exemplars en caultivo u cautividat.
Extinguiu (EX)
Dimpués d'estudear-se exhaustivament o suyo hábitat, no bi ha garra dandalo razonable que o zaguer exemplar d'a especie no sía muerto.

Os estaus de conservación en Biquipedia[editar | editar código]

Biquipedia indica o estau de conservación d'as especies con as categorías emplegatas por a IUCN, anque con dos salvedatz:

  • Quan as especies son extinguidas, s'indica tamién si s'extinción en tiempos historicos u se conoix nomás que por o rechistro fosil. As especies dintro d'esta categoría, lochicament, nunca no estión examinatas por a IUCN.
  • O estatus d'as especies domesticas, que a IUCN no contempla pas, s'indica como a "Domestico" u "Domestica", u más simplerament "No Menazau".

Vinclos externos[editar | editar código]