Dialeutos de l'aragonés
De Biquipedia
Contenius |
[editar] Introduzión
A lengua aragonesa tiene charrars locals, que s'agrupan en charrars de bal, de redolada u charrars de barias redoladas. O termino dialeuto ye ambiguo y gosa emplegar-se pa os charrars de bal, bien definitos, (cheso, ansotano, etz...). Esiste a propuesta de clasificar os charrars aragoneses en cuatro grupos, complexos dialeutals u dialeutos, (seguntes as apreziazions de os autors), que dimpués esplicaremos. A dibersitat lingüistica podemos clasificar-la asinas:
[editar] Bals y Semontano
Beyemos graus d'erosión-pureza, omocheneidat-localismo, eboluzión-arcaismo:
[editar] Bals d'o Perineu axial
Millor conserbazión de a luenga, pero con arcaismos. A topografía en forma de bals bien separatas ha feito que l'aragonés aiga eboluzionato en un dialeuto u charrar local en cada bal:
[editar] Preperineu
Millor conserbazión de os rasgos chenuinos que en o Semontano, pero peyor que en as bals de o Pirineo Acsial. Son charrars de transizión entre o Semontanés y o charrar de cada bal.
[editar] Semontano
O Semontanés ye relatibamén uniforme en zonas más amplas, pero mui castellanizato, con perduga de muitos carauters chenuinos. As diferenzias chenerazionals son más grans que as cheograficas. S'ha perdito l'emplego de a particla pronominoalberbial de locatibo i, (bi en as bals acsials).
[editar] Polos ozidental y oriental
Esiste una distribuzión de diferenzias entre l'este y l'ueste, con mugas que no coinziden, pero que fan que unos se beigan más que más dende Broto y Cotefablo enta la Ribagorza, (y más luén), y atros se beigan más que más dende Tena y Cotefablo enta Nabarra. Podemos beyer-lo en as parellas:
[editar] Fonetica
- -x- / -ix: por exemplo baxo / baixo.
A muga ye en Cotefablo, pero a o sur se tresbate por castellanización en ch.
[editar] Morfolochía
- con mi/con yo
- Nos / mos
- Bos / tos
- Bi / i: "bi" se troba en Ansó, Echo, Tena, Sarrablo, plegando como minoritario ta Bielsa y ta o Biello Sobrarbe. "i", estió a forma mas estendita cuan se alzaba en o resto d'Aragón.
- Allora u alora / alabez
- Á ormino / asobén: Asobén se deciba en aragonés meyebal de a depresión del Ebro y se documenta en o Baxo Aragón en o sieglo XX.
- De raso / de to(t)
- Pro / prou: A primera forma, d'Ansó á Tena, tamién un poquet en Bielsa. A segunda forma de Broto a Benás. Prou por o sur plega ta o Somontano, Baxo Aragón y Sierra de Gudar con a suya forma alofona prau.
- Cosa / res: En a zona este de l'Alto Aragón se troba res, pero dezaga de ni: no he bisto ni res, no n’ha quedau ni res. En Pandicosa, Biello Sobrarbe y Ribagorza, en espezial en Benás.
- Puedes / puez
[editar] Lesico
- Almadía / Nabata
- Calderizo/Cremallos
- Cornizas /
- Fablar, (Ansó, Echo) / Parlar, (Chistau, Biello Sobrarbe, Ribagorza, Monegros).
- Fraxín(o)/Freixe(ra)
- Melón / Formas de a familia Taixo-Teixón-Texugo
- Milloca / Panizo
- Paxaro / Muxón.
- Pez / Pegunta,
- Toballa / Xugamanos
- / Demoret
- / Enfilar
- Xorrontar / Espantar
[editar] Propuesta de os cuatro dialeutos
A propuesta más asolada de clasificazión dialeutal, ye a de Francho Nagore, que clasifica os charrars aragoneses en 4 grupos (ozidental, zentral, oriental y meridional)[1][2]. Ta beluns, istos grupos son complexos dialeutals, y os charrars que bi ha adintro de cadagún (como o cheso, o chistabín...) serían dialeutos. Ta belatros, os 4 grupos son os dialeutos constitutibos de l'aragonés, y os parlaches que incluyen serían sozdialeutos, charrars de redolada u locals.
[editar] Atras propuestas de clasificazión dialeutal
Encara que a propuesta d'os cuatro dialeutos ye a más estendillata, atros autors en han propuesto bariazions. Asinas, ta Ch. R. Usón y Ch. Tomás, bi abría tres dialeutos istoricos (ozidental, zentral y oriental), que se corresponden alto u baixo con os tres biellos condaus pirinencos (Aragón,Sobrarbe y Ribagorza)[3]. Seguntes istos autors, as bariedaz meridionals serían a continazión d'ístas, que s'abrían castellanizau y uniformau en un prozeso faboreixiu por a suya orografía más plana.
Atros autors han propuesto en zaguerías clasificazions que postulan a esistenzia de dos grans bariedaz u dialeutos, l'ozidental y l'oriental. Istos tendrían, amás, unas sozbariedaz más estremas: l'ansotano (y en bella mida, o cheso y l'ayerbense), con carauteristicas ozidentals estremas, relazionatas con l'antigo romanze nabarro, y o ribagorzano, con prous soluzions de transizión enta o catalán[4].
[editar] Referenzias
- ↑ Nagore, Francho y Gimeno, Chesús L., El aragonés hoy. Informe sobre la situación actual de la lengua aragonesa, Uesca, IberCaja/Publicazions d'o Consello d'a Fabla Aragonesa, 1989. 119 págs.
- ↑ Nagore, Francho. Gramática de la Lengua Aragonesa. Zaragoza. Mira Editores. 1989.
- ↑ Usón, Ch.R. y Tomás, Ch. Bellas considerazions sobre criterios en a estandarizazión de l'aragonés en III Trobada d'estudios e rechiras arredol d'a luenga aragonesa e a suya literatura, autas, Uesca, Instituto de Estudios Altoaragoneses. Pachinas 435-460.
- ↑ Sánchez, F. Aproximación a la situación dialectal de l'aragonés en XVI Congreso de Euskaltzaindia. (autas pendients de publicazión).
| Dialeutos de l'aragonés | ||
|---|---|---|
| Aragonés meridional | Aragonés oriental | Aragonés ozidental | Aragonés zentral | Chodigoaragonés† | Nabarro† | Rioxano† | ||
