Aragonés chistabín

Chistabín
Variedat de l'aragonés
Localización cheografica
Territorios	Val de Chistau
Lugar(s) principal(s)	Chistén, Sant Chuan de Plan, Plan, La Comuna, Saraviello, Senyés, Sese y Serveto
Sociolochía
Vitalidat	Alta
Literatura
Escritors principals	Nieus Luzía Dueso, Quino Villa
Rasgos dialectals	De transición entre o belsetán y o benasqués

O chistabín ye a variedat de l'aragonés que se charra en a val de Chistau: Chistén, Sant Chuan de Plan, Plan, y La Comuna: Saraviello, Sin, Senyés, y Serveto. Ye una d'as variedaz de l'aragonés más arcaizans y menos castellanizatas. Fa de transición entre o belsetán y o benasqués.

Fonetica

• A x en posición inicial ye acompanyata de una i como en belsetán:
  • ixingardana, ixordiga.
• Predomina a sonorización d'as xordas intervocálicas latinas:
  • caixigo, buxiga, radigón, meligo, ixau / ixada, cadiera, crabacín, ixordiga, berdugo, borruga, bediello, ubago.
• Manimenos bi ha repuis de conservación de sordas intervocalicas:
  • ripa/ripazo, capazo, capino, escopallo, paretón, paretere, espellotar, recutir, batallo, navata, navater, navatera ("basón"), navatiar, vetiello (en Senyés), samuco / samugo (sabuco en Senyés), zurriaco, cucullo, foriquiar, foradieco, limaco, lucana, esbelecar, cocote, cocullada, leremeco. No en ye caso de tota hora que incluye Brian Mott.
• Bi ha casos de L an l'aragonés cheneral tiene LL, y esto puede indicar que fa poco existiba una L cheminata como en belsetán:
  • Aquela
• Bi ha casos de evolución d'o grupo latino -ND- enta -n- que estió común en l'Alto Aragón antismás.
  • 'barana, fona, esponal, espuena, granizo ("hombre gran").
• Bi ha repuis de sonorización de oclusiva dezaga liquida:
• ambolla / embolla (en Chistén, en coexistencia con ampolla), bango, freixengo, tranga, ixordiga, ixingardana.
• Se rechista bell caso de evolución de -CT- enta -t- como en belsetán:
  • feto
• A particula pronomino-adverbial de locativo I debant d'os imperfectos d'o verbo estar se prenuncia /igera/. Esto se troba en bel texto meyevall y Chistau ye uno d'os pocos lugars on este se conserva.
  • I yera > /Iguera/

Morfolochia

• Os articlos determinaus son: el, la, es, las. L'articlo masculín s'apostrofa en l' si o sustantivo que le sigue prencipia por vocal. L'articlo femenín nomás apostrofa quan o sustantivo prencipia por a. Amaneixen tamién os articlos a, as más que más en contraccions con en (n'a, n'as) y bellas vegadas con de (d'a, d'as).
• L'infinitivo puede tener una -e de refirme, (paragochica), o no pronunciar-se, depende d'o lugar.
  • cantare
• O participio ye: -au, -iu. En Chistén s'emplega más -ido que -iu. Trobamos participios fuertes que pareixen en -ito como en aragonés central, pero son irregulars y con acento en a radiz: cáito (Plan, Chistén), tráito (Chistén).
• A desinencia aragonesa de primera persona plural ye -n, (a -m final en aragonés suele cambear a -n), diferent de l'aragonés cheneral -mos, pero igual que en o ribagorzano.
  • cantán, querén, salín.
• En o pasato imperfecto d'indicativo a primera presona tien a desinencia -e, y esto poderba tener relación con a -i de l'ansotán:
  • tenebai > tenebe.
• O pasato indefinito ye sintetico de tipo aragonés en Sin, Senyes, Zarandiello, La Comuna y Serveto:
  • 1ª conchugación: é, és, u, én, ez, ón
  • 2ª y 3ª conchugacions: ié, iés, ió, ién, iez, ión
• En Plan, Sant Chuan de Plan y Chistén ye de tipo perifrastico como en Ribagorzano.
  • voi puyar(e)
  • vas puyar(e)
  • va puyar(e)
  • von puyar(e)
  • votz puyar(e)
  • van puyar(e)
• O Condicional pierde l'-a final en bellas presonas.
  • abrí, farí, dirí.

Sintaxi

Bi ha repuis de concordancia d'o participio con o complemento directo:

• Las vacas las han comidas
• Es he vistos