Garchola
De Biquipedia
Una garchola u prisión ye un puesto (edifizio u conchunto d'edifizios) á on se fica chent que ha estato pribata de libertat por no aber respetato ziertas normes d'una soziedat (en a mayoría de países istas normas son definitas por as lais).
As garcholas ta mullers se conoxen como galera u casa d'a galera[1].
Contenius |
[editar] Ochetibos
Os ochetibos d'as garcholas barian seguntes as epocas e más que más as soziedaz. En cheneral se trata de:
- Protecher a soziedat d'indibiduos que son consideratos periglosos.
- Disuadir á la chent de fer actos bedatos por a lai.
- Re-educar o preso de traza que pueda re-insertar-se en a soziedat.
- Fer callar á los adbersarios politicos. Iste ochetibo ye espezialment important en as ditaduras, pero as democrazias tamién lo emplegan e l'han emplegato.
- Impedir a fuyita de detenitos (que'n imposibilitarba o futuro prozeso chudizial).
[editar] Poblazión presa en o mundo
Más de nueu millons de presonas son engarcholatas arredol d'o mundo. A poblazión presa ha puyato notablement dende prenzipios d'os años 1990.
Por países, os Estatos Unitos tienen a poblazión presa más gran d'o mundo, con más de 2 millons de presos, o 70% d'os cualos son por razons relazionatas con a dita "guerra cuentra as drogas", que penaliza o consumo presonal, a posesión e a comerzializazión d'istas sustanzias.
Tanto China como Rusia tienen tamién más d'un millón de presonas en a garchola.
[editar] Garcholas en Aragón
.jpg)
En Aragón autualment bi ha tres garcholas, dos en a probinzia de Zaragoza e una atra en a probinzia de Tergüel.
- O Zentro Penitenziario de Tergüel, situato en a Tergüel capital.
- O Zentro Penitenziario de Daroca, situato en Daroca.
- O Zentro Penitenziario de Zuera, situato en Zuera.
En creyar-se a garchola de Zuera se zarroron as garcholas de Torrero e Uesca.
D'antis más muitos lugars teneban a suya propia garchola. Destaca güé a rota toristica que se puet fer por as garcholas d'a comarca de Matarraña.
[editar] Referenzias
- ↑ Chesús Casaus Parrilla, Pascual Miguel Ballestín. Dizionario Aragonés de Terminos Cheograficos. Ainas. Gara d'Edizions. ISBN 978-84-8094-059-7
[editar] Enrastres esternos
Se beigan as imachens de Commons sobre as garcholas.- (fr) Observatorio Internazional de Garcholas
- (en) Lista de poblazión presa en o mundo
