Aragonés oriental

Aragonés Oriental
Variedat de l'aragonés
Localización cheografica
Territorios	Dende a val de Chistau dica Benás
Lugar(s) principal(s)	Chistén, Castilló, Campo, Graus y Benás
Literatura
Escritors principals	Nieus Luzía Dueso, Ana Tena

L'aragonés oriental son as variedatz d'aragonés que se charran en a Ribagorza, a Fueva y Val de Chistau. En un sentito amplo (y sin parar quenta en a propuesta de clasificación d'as parlas altoaragonesas en quatre brancas), l'aragonés oriental tamién comprendería l'aragonés central d'a cuenca d'o Cinca y l'aragonés meridional d'o Semontano de Balbastro.

Fonetica

Sonorización d'as xordas intervocalicas latinas en a part más gran d'os casos

• meligo, caixigo, forau.

Melico, Caxico y Forato tienen xorda en lugars y comarcas más meridionals de l'Alto Aragón, asinas que pareixe que a Sonorización empecipió de forma independient que en aragonés meridional y occidental. O fenomeno empecipió ya en o sieglo X, como demuestra o texto latino arromanzato de "As decimas de Castillón". A toponimia contrimuestra que fa uns sieglos o sector oriental no sonorizaba tanto, porque mos trobamos forato en a toponimia d'a Fueva.

Bi ha més casos que en atras variedatz d'aragonés d'evolución d'o grupos latíns -TY, -CE, -CI, -DE en posición final ta -u como en catalán:

• peu.

Morfolochía

• Participios en -au, -iu producto d'a sonorización d'a xorda T:
  • cantau, metiu
• Pasato perfecto perifrastico como o catalán moderno:
  • "el(l) va cantá" en cuenta de "él cantó"
• Conservación buena d'a particla pronomino-adverbial I, mesmo en zonas muito a lo sud on atras variedatz, (meridionals), la han perdita.

Conclusions

S'alzan bien as caracteristicas que son comuns en catalán y aragonés.

Divisions

• Chistabín
• Fovano
• Ribagorzano
  • Altorribagorzano u benasqués
    • Alto benasqués
    • Baixo benasqués
  • Meyorribagorzano
    • Campés
  • Baixorribagorzano
    • Grausino
    • Estadillano
    • Foncense

Nota: Foncense, Estadillano, Grausino, Campés, ecetra..son parlas locals; Fobano, Baixorribagorzano, Benasqués, Chistabín, etz...son parlas de comarca, (u una val en concreta).