Saín
Lo saín u saíno ye la grasa d'un animal. Tien una color blanquenca y una textura suave pero grasosa. D'entre las diferents variedatz las més importants son lo sebo y la ensundia, esta zaguera por un regular referindo-se a lo saín de las gallinas.
En gastronomía ye un producto muito emplegau por aportar una cierta valura calorica los platos, en especial lo saín de tocín.
Contenius |
Etimolochía [editar]
La parola saín u saíno ye corradical de lo catalán sagí, y se relaciona con lo latín SAGINA ("gordura"). Se troba en textos meyevals aragoneses, por eixemplo en lo provinients de los peaches, como lo rechistrau en las Actas de lo proceso de Cortz d'Alcanyiz de 1436:
- En lo Capbreu del peage que se culle en la ciudat de Guesca leyemos carga de sayno de puerco, quatro sueldos.
- En lo Capbreu del peage que se culle en la ciudat de Teruel, rova de sayno de puerco, dos dines.
- En lo Capbreu del medio peatge, clamado de Albarrazin. El qual se culle en la ciudat de Teruel, en la ciudat de Albarrazin e sus terminos, e no en otra part ni de otras cosas se leye Item, rova de sayn de puerco, un dinero. / Item rova de mantega, un dinero y mialla..
- En lo Capbreo del peage que se culle en la ciudat de Çaragoça, e no de otra part ni de otras cosas, sino las infrascriptas se leye De rova de sayno de puerco, se paga tres dines.
- En lo Capbreu del peage que se culle en la ciudat de Barbastro e sus terminos de las cosas infrascriptas, e no de otras leyemos Item, por cada rova de sayno de puerco, tres dineros.
La variant saín se conserva en la Val d'Esca, la variant saíno en ansotán, cheso y aragonés d'a Val d'Aragüés.
En la Baixa Ribagorza la parola ensundia se puet fer servir pa dicir lo saín de tocín y tamién de la gallina.[1]
Nutrición [editar]
En la nutrición humana estas grasas han estato relacionadas con los problemas cardiovasculars de las sociedatz occidentals, pero no totas se pueden considerar igual de perchudiciosas, ya que varían en composición y saturación. Por un regular gosan estar d'un aspecto més solido que los olios por lo suyo grau de saturación més gran.
En la nutrición animal són utilizadas normalment en mezclas tecnolochicas preformuladas.
Referencias [editar]
- ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Gara d'Edizions. Zaragoza, 2003. ISBN 84-8094-052-2
