Río Xalón

Xalón
Río Xalón en pasando por Terrer.
Administración
Estatos	{{{estatos}}}
Territorios	Castiella y Leyón Aragón
Cheografía
Longaria	224 km
Altaria d'o naixedero	m
Naixedero	Sierra Ministra
Desembocadura	río Ebro
Hidrolochía
Superficie d'a cuenca	9.338 km²
Cabal meyano	20,8 m³/s
{{{mapa}}}

O río Xalón u río Exalón ye un río aragonés afluyent de l'Ebro que naixe en a Sierra Ministra, en a provincia de Soria y desemboca en Torres de Berrellén en a provincia de Zaragoza. A suya longaria ye de 224 km, desauguando una cuenca hidrolochica con una superficie de 9.338 km² con un cabal meyo de 20,8 m³/s.

Toponimia

Marco Valero Marzal lo clama Salo (pronunciau Saló, con sufixo -ONE, d'astí o sufixo -ón actual), Chustín lo clama Birbilis como l'antiga ciudat cerca de Calatayú. Os cheografos d'o periodo periodo musulmán ya mencionan un río Xalūn que daba nombre a una comarca entre Ricla y Cabanyas d'Ebro. L'aragonés ha preso este hidronimo present en latín a traviés de l'arabe, d'astí a presencia d'o fonema d'a x en un etimo con s en latín como en Exeya d'os Caballers y en Exatiba. En aragonés medieval ha existiu la variant Exalón.

En los compuestos toponimicos Xalón va sin d'articlo: Val de Xalón, Fuent de Xalón u en lo termin descriptivo ribera de Xalón (visible "Anales de la Corona de Aragón" y en "Historia de la economía politica de Aragon"). Encara se conserva sin articlo en la locución ir como Jalón por Mediavega con lo significau d'"ir incontroladament" en Morata de Xalón y Chodes.

Cheomorfolochía

La zona occidental d'a suya compleganza se fa més grant a costa d'as compleganzas d'o Río Tacho y d'o Duero por procesos de captura fluvial.

Muitos d'os suyos afluents a o largo de tot o curso tienen direccions perpendiculars a o Xalón, trescurzando entre sierras y fallas con ixas mesmas direccions.

Empecipia a ixamplar-se en Arcos de Xalón, a on que se troba materials terciarios poco resistents d'a depresión de Mont-reyal de Fariza, a on que recibe os afluents Nachima y Algadir.

Torna a estretir-se en a roca en o plego calsinoso d'Alfama d'Aragón. Y cruza con recolons en os materials paleozoicos de Bubierca, d'a branca aragonesa d'o Sistema Iberico. En este tramo recibe os afluents Monegriello, Piedra, Mesa y Manubles.

En a depresión de Calatayú y Mont-albán, aproveitando que o cheso ye poco resistent, ixampla a suya ribera y val, pero con un cillo en a marguin ezquierda y recibe os afluents Xiloca, Miedes y Ribota.

Dimpués de deixar ixa depresión torna a tallar materials paleozoicos formando las Foces de Xalón en lo Macizo de Calatayú y Mont-albán entre a Sierra de la Virchen y as sierras de Bicort y Algairén (branca aragonesa d'o Sistema Iberico) con recolons en o substrato rocoso .

Dimpués d'ixas sierras entra en a Depresión de l'Ebro, a on recibe os afluents Aranda, Griu y Alpartil.

O zaguer tramo ye recto y perpendicular y seguntes o cheologo Josep Gisbert Aguilar aproveita o trazato d'una falla. Se reculle en Torres de Berrellén.

Bibliografía

• (es) Eduardo Viñuales Cobos: Red Natural de Aragón. Comunidad de Calatayud nº 17. Prames, 2007, pp 32-33.
• (es) Prensa Diaria Aragonesa: Los ríos de Aragón. El Río Jalón. El Periódico de Aragón, Diputación General de Aragón, 2005.

Ríos de la cuenca hidrografica de Xalón

Ríos d'a cuenca hidrografica de l'Ebro