Río Miedes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Miedes Perejiles

Administración
Estaus	{{{estaus}}}
Territorios	Aragón
Cheografía
Longaria	29 km
Altaria d'o naixedero	m
Naixedero	Langa
Desembocadura	río Xalón
Superficie d'a cuenca	km²
Cabal meyano	m³/s
Mapa
Lo Miedes en Aragón

Lo río Miedes (en castellano río Perejiles) ye un afluent de lo Xalón situau a la suya dreita. La suya val ye entre la sierra de l'Espigar a lo nord-este y las muelas de Xiloca a lo sud-ueste. Tien lo naixedero en Langa. Traviesa los termins municipals de Mara, Miedes, Belmont de Gracián, Villalba, y Calatayú cerca de lo lugar de Torres, recullindo-se en lo Xalón 2,5 km auguas ent'alto de lo principal nuclio habitau de Calatayú.^[1]

Toponimia

Lo hidronimo Miedes deriva de lo toponimo de l'anterior aldeya de la Comunidat de Calatayú homonimo. En la baixa Edat Meya lo hidronimo Miedes dio nombre a una seixma adintro d'esta comunidat d'aldeyas, la seixma de Miedes, con los lugars de la val u la compleganza d'este río adintro de la Comunidat de Calatayú.

Dende fa uns sieglos lo nombre orichinal de río de Miedes u río Miedes s'ha iu substituyindo por lo de río Perejiles u río Perejil ya en un periodo historico en lo que la comarca yera castellanizada. Talment este hidronimo no tienga relación con la hierba Petroselinum crispum, en aragonés Pereixil u Preixil, y ye més razonable que lo hidronimo se relacione con lo nombre d'un propietario como Pero Chil, Pere Chil.

João Batista Labanha encara feba servir la denominación río Miedes en 1610-1611^[2], y encara Jordán de Asso lo denominaba riachuelo de Humiedes en Historia de la Economía Política de Aragón (1798):

que riegan de Xiloca; de 3662 del Xalón , y 1438 del riachuelo de Humiedes; en todo 7493 anegadas, que en aquel país tienen 2200 varas superficiales^[3]