El Periódico de Aragón

De Biquipedia
Ir a la navegación Ir a la búsqueda
El Periódico de Aragón
El Periódico de Aragón.png
Información cheneral
Periodicidat Diaria (Publicación de maitins)
País Flag of Aragon.svg Aragón
Destribución Tot Aragón
Seu Zaragoza
Fundación 23 d'octubre de 1990
Carácter Cheneralista
Ideyolochía Progresista
Idioma Castellán
Tirache 15.000
Editora Prensa Diaria Aragonesa (Grupo Zeta)
Director Jaime Armengol

El Periódico de Aragón ye un diario editato en Zaragoza por o Grupo Zeta. A suya información se centra mas que mas en as seccions Aragón, Opinión y Esportes.

Historia[editar | editar código]

El Periódico de Aragón naixió o 23 d'octubre de 1990 y dende alavez prencipió a consolidar-se como o segundo diario de mayor tirache en a comunidat nomás por dezaga d'o Heraldo d'Aragón. En 1997 s'inauguroron unas instalacions centrals d'El Periódico a Aragón en a carrera Hernán Cortés de Zaragoza.

L'actual director d'o diario ye Jaime Armengol, que substituyó en 2003 a Miguel Ángel Liso, director dende 1992. Iste ya heba substituyito a Juancho Dumall (primer responsable d'o diario). De tendencia progresista y independient, conta con una plantilla d'alto u baixo 100 personas, d'as qualas bellas 45 son en a redacción. El Periódico de Aragón ye o prencipal d'o Grupo Zeta en Aragón, que tien un diario esportivo, Equipo, y atros prochectos, como una destacata interpresa d'internet dita "Dicom Medios", o portal d'os qualos ye "RedAragon". Ye un diario pionero en a información de proximidat, de caracter vecinal, con una sección adedicata a os Vicos de Zaragoza. Beluns d'os suyos columnistas mas populars han estau o conoixito blogger Mariano Gistain y o suyo espacio, ya despareixiu, "La ciudad de las gaviotas", o escritor Juan Bolea, o cantautor Joaquin Carbonell, y o director adchunto d'o meyo, ex-director d'o Heraldo d'Aragón, Jose Luis Trasobares, qui analiza l'actualitat social y politica en a suya columna "El Independiente". Tien un tirache de 12.000 eixemplars, d'os quals 8.000 de difusión real (de venda).

Vinclos externos[editar | editar código]