Alfama d'Aragón

	Alfama d'Aragón
	Municipio d'Aragón
	; Alfama d'Aragón.
Entidat; • País; • Provincia; • Comarca	Municipio; Aragón; Zaragoza; Comunidat de Calatayú
Partiu chudicial	Calatayú
Superficie	31,11 km²
Población; • Total	; 964 hab. (2013)
Altaria; • Meyana	; 660 m.
Distancia; • 115 km	; enta Zaragoza
Alcalde	Jesús Lozano Castejón
Codigo postal	50230
Río	Xalón
Coordenadas	41°17’47’’N 1°53’41’’U
	Alfama d'Aragón Alfama d'Aragón en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alfama d'Aragón (Alhama de Aragón en castellano) ye un municipio d'a provincia de Zaragoza, en a comarca d'a Comunidat de Calatayú y partiu chudicial de Calatayú.

Alfama d'Aragón tien una superficie de 31,11 km² con una población de 1.225 habitants (2009) y una densidat de población de 39,38 hab/km².

Cheografía[editar | modificar o codigo]

A localidat d'Alfama d'Aragón se troba situada a 660 metros d'altaria sobre o livel d'a mar, a o canto d'o río Xalón y a una distancia de 115 km d'a ciudat de Zaragoza, a capital d'a suya provincia y d'Aragón.

Historia[editar | modificar o codigo]

Os celtibers creyoron o primer nuclio habitau y li deciban Congedo. Os romanos ya conoixeban as suyas auguas termals y li dicioron Aquae bilbilitanorum (as auguas de Bilbilis). En o periodo musulmán tamién yera important por as suyas auguas, como contrimuestra o nombre en arabe Al-hammam (os banyos termals).

Encara que hese estau conoixiu por as suyas auguas medicinals, iste lugar no ha viviu només que d'os balneyarios. A industria ha estau y ye tamién un d'os motors principals d'a suya economía.

Toponimia[editar | modificar o codigo]

A palabra arabe Al-hamman s'adaptó a lo mozarabe y aragonés como Alfama, igual que s'ha esdeveniu en Alfambra, porque o fonema romance f yera o mes pareixito en aragonés a lo fonema aspirau representau en l'alfabeto arabe con a letra Ḥā. Dimpués por castellanización a f esdevinió a h muta actual.

Demografía[editar | modificar o codigo]

Evolución demografica

2003	2004	2005	2006	2007	2008	2009	2010	2011
-	-	-	-	1.173	-	1.225	-	-

2021	2022	2023	2024	2025	2026	2027	2028	-
-	964	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu	1979	1983	1987	1991	1995	1999	2003	2007	2011
Chunta Aragonesista									4
Partido Aragonés									2
Partido de los Socialistas de Aragón									2
Partido Popular									1
Total									9

Alcaldes[editar | modificar o codigo]

Lista d'alcaldes
Lechislatura	Nombre	Partiu politico
1979–1983	Pedro Lacruz Moros	Unión de Centro Democrático
1983–1987	Pedro Lacruz Moros	Unión de Centro Democrático
1987–1991	Pascual Marco Sebastián	Partido de los Socialistas de Aragón
1991–1995	Pascual Marco Sebastián	Partido de los Socialistas de Aragón
1995–1999	Pascual Marco Sebastián	Partido de los Socialistas de Aragón
1999–2003	Antonio López Betrián	Partido Popular
2003–2007	Pedro Lacruz Francia	Partido de los Socialistas de Aragón
2007–2011	Joaquín Antón Duce	Chunta Aragonesista
2007–2011	Joaquín Antón Duce	Chunta Aragonesista
2011–2015	José María Castejón Mozota	Partido Aragonés
2015–2019	José María Castejón Mozota	Partido Aragonés
2019–2023	José María Castejón Mozota	Partido Aragonés

Patrimonio natural[editar | modificar o codigo]

Bi ha una estructura cheolochica intresant. Un plego anticlinal tien un flanco con estratos cuasi verticals. L'augua cuela por ixos estratos dica fonduras prou grans fendo que se caliente por o gradient cheotermico. Dimpues de calentar-se puya, fendo as famosas fuents termals. Manimenos ista teoría no ye a mas acertada y a sociedat cientifica hue en acepta una atra como a mas acertada,^[1] as auguas termals dimanarían d'altas profundidaz baixo a branca castellana d'o Sistema Iberico, y atravesando a Cuenca d'Almazán u Cuenca d'Alfama d'Aragón, aproveitaría ixos estratos verticals de calsinera permeables ta puyar enta la superficie.

En Alfama por tener augua termal existen as solas citas en interior de un gasteropodo propio de fuents de climas mas calidos, o Melanopsis penchinati. Mientres que en Charaba existe tamién atro gasteropodo d'a mesma familia, tamién endemico d'iste zaguer lugar, o Melanopsis praemorsa Tamién ye present o gasteropodo introduciu Melanoides tuberculata.

Personalidaz naixitas d'Alfama d'Aragón[editar | modificar o codigo]

Categoría:Naixius d'Alfama d'Aragón

Se veiga tamién[editar | modificar o codigo]

Linia 200 d'Adif.

Vinclos externos[editar | modificar o codigo]

Se veigan as imáchens de Commons sobre Alfama d'Aragón.
Pachina web oficial municipal d'Alfama d'Aragón.

Referencias[editar | modificar o codigo]

↑ J.G. Yelamos y E. Sanz Pérez: Hidrogeología regional del acuífero cretácico de los manantiales termales de Alhama de Aragón (Zaragoza y Soria) Rev.Soc.Geol.España, 11(1-2), 1988. p.155.

Municipios d'a Comunidat de Calatayú

[1] J.G. Yelamos y E. Sanz Pérez: Hidrogeología regional del acuífero cretácico de los manantiales termales de Alhama de Aragón (Zaragoza y Soria) Rev.Soc.Geol.España, 11(1-2), 1988. p.155.

[1]