Castiella y Leyón

	Castiella y Leyón; Castilla y León; Castela e León; Castiella y Llión
	Comunidat autonoma d'Espanya
Bandera	Escudo
Entidat; • Estato	Comunidat autonoma; Espanya
Capital	No tién
Ciudat mas poblada	Valladolit
Idioma oficial ; • Atros idiomas	Castellán ; Leyonés, gallego y extremenyo
Superficie; • Total	Pos. 1 de 19; 94 223 km²
Población; • Total (2018); • Densidat	Pos. 6 de 19; 2 418 694 hab. ; 27,16 hab/km²
‎Chentilicio	castellan-leyonés/esa
ISO 3166-2	ES-CL
President	Alfonso Fernández Mañueco (PP)
Estatuto d'autonomía	2 de marzo de 1983
Día Nacional de Castiella	23 d'abril
	;
	Pachina web oficial

Castiella y Leyón (Castilla y León en castellán; Castiella y Llión en leyonés; Castela e León en gallego) ye una comunidat autonoma espanyola situata en o norte d'a Peninsula Iberica. Ye formata en 1983 por as almenistracions de Leyón y Castiella la Viella.

Luengas y parlas[editar | modificar o codigo]

Quasi totz os habitants nativos d'esta comunidat autonoma parlan castellán, a més bi ha minorías que charran leyonés y gallego en as provincias de Leyón y Zamora.

O castellán d'esta comunidat autonoma ye o castellán d'a Meseta Norte, foneticament pareixiu a lo castellán de l'Alto Ebro y a lo castellán rechional d'Aragón, fendo part totz de l'aria septentrional de variants peninsulars d'o castellán.^[1] En o sud de Salamanca en continuidat cheografica con Cazres se combinan rasgos d'o castellán meridional con importants restos leyoneses que constituyen l'extremenyo (palra d'El Rebollal, que fa part de l'extremenyo sirragatino).

Lo leyonés d'a provincia de Zamora ye astur-leyonés occidental, estando a variant mes definida o sanabrés. Las atras parlas leyonesas de Zamora son pareixidas a las d'a zona centro-occidental de Leyón: carbayés, alistán. La mitat oriental de Zamora se castellanizo d'entre sieglo XIX.^[2] Lo desaparexiu sayagüés yera pareixiu a la tamién recientment desapareixida parla riberana de Las Arribes en o norueste de Salamanca.

Lo leyonés que se charra en as marguins d'a provincia de Leyón puede estar astur-leyonés occidental (paḷḷuezu, berciano, cabreires, cepedano, maragato), u central (parla de Los Argüeyos). La mitat oriental de Leyón se castellanizó d'entre sieglo XIX,^[2] de fueras d'a zona d'Oseya de Sayambre que lo fació en o sieglo XX.

División politico-administrativa[editar | modificar o codigo]

Ye formata por nueu provincias: Ávila, Burgos, Leyón, Palencia, Salamanca, Segovia, Soria, Valladolid y Zamora. Encara que o Estatuto d'Autonomía no fixa a suya capital, as seus d'o Gubierno y o Parlamento se troban en Valladolit. Por ixo, ista ciudat ye de facto a capital d'a comunidat autonoma.