Río Aguas

De Biquipedia
Ir a la navegación Ir a la búsqueda
Aguas
Aguasvivas
Envista de Binazeit y la espuenda sobre lo río Aguas.
Envista lo río Aguas travesando lo termin de Binazeit, en lo cabalto de la espuenda.
Administración
Estatos
Territorios Flag of Aragon.svg Aragón
Cheografía
Longaria  km
Altaria d'o naixedero  m
Naixedero Allueva
Desembocadura Ebro (La Zaida)
Superficie d'a cuenca km²
Cabal meyano m³/s


Lo río Aguas (río Aguasvivas u río Aguas en castellán) ye un río aragonés, afluent de l'Ebro. Naixe en Allueva (Teruel), en la Muela d'Anadón (Sistema Iberico). Ye lo río más important de lo Campo de Belchit, tien como uns de los afluents más importants lo río Nogueta y lo río Camaras. En La Zaida caye en Ebro.

Localidatz por an que pasa, por lo menos por lurs termins son: Uesa, Blesa, Moneva, Sant Per de Lagata, Lagata, Letuix, Almonecir de la Cuba, Belchit, Binazeit, Almochuel, Zaila, La Romana y La Zaida, a on que se reculle.

En bell tramo presenta foces fluvio-karsticas, como en lo Pozo de los Chorros entre Almonecir de la Cuba y Belchit cerca de Tercón[1].

En la zona de Zaila, La Romana y La Zaida tien una selva de galería con tamarizas que destaca prou en un paisache desforestau y arido.

En lo periodo román existiba un entibo en lo lugar dito Almonecir de la Cuba, entibo que continaba existindo en la Edat Meya, y que ha dau nombre a lo lugar. Actualment existe lo entibo de Moneva. Lo entibo d'Almochuel (La Fueya d'Almochuel) estió un fracaso.

Lo río Aguas presenta cinco faixas fluvials.[2]

Toponimia[editar | editar código]

En la Edat Meya existiba la denominación de río Albayar u Albayat, que pareixe relacionada con la palabra arabe Albayat, "pozo". Pa bell autor la denominación d'Albayar corresponde inicialment nombres que a lo tramo que bi ha entre lo Focino de los Arcos en Blesa y la localidat de Sant Per de Lagata.[3] Atra denominación medieval ye la de río de Belchit, testimoniada en un texto de 1242. En lo sieglo XVI se documenta un atra denominación, río de Romana.

Dica fa bien pocos sieglos se diciba río Aguas (1768), en l'oficial. L'uso tradicional de río Aguas dura dica lo sieglo XX y se puet veyer en lo "Madoz".

Referencias[editar | editar código]

  1. (es) María Blasco Lázaro: Red natural de Aragón. nº 6, Campo de Belchite. Prames, 2006. pp45
  2. (es) José Luís Peña Monné et al.: Geomorfología de la Provincia de Teruel. Instituto de Estudios Turolenses, 1984.
  3. (es) Miguel Arenillas Parra et al. La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996. p 189

Bibliografía[editar | editar código]

  • (es) Miguel Arenillas Parra et al.: La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996.


Ríos de la cuenca hidrografica de l'Aguas
Marguin izquierda Marineta | Nogueta | Camaras
Marguin dreita Reguero-Grancheta | Fanes


Ríos d'a cuenca hidrografica d'Ebro
Marguin izquierda Nela · Xerea · Bayas · Zadoya · Ega · Aragón (Arga) · Arba · Galligo · Segre (Noguera Pallaresa · Noguera Ribagorzana · Cinca)
Marguin dreita Oca · Tirón · Nacheriella · Iregua · Leza · Cidacos · Alhama · Queiles · Uecha · Xalón (Xiloca) · Uerba · Chiner · Lopín · Aguas · Martín · Regallo · Guadalop · Matarranya