Río Ribota

De Biquipedia
Ir a la navegación Ir a la búsqueda
Ribota
Administración
Estatos
Territorios Flag of Aragon.svg Aragón
Cheografía
Longaria 27 km
Altaria d'o naixedero  m
Naixedero
Desembocadura río Xalón
Superficie d'a cuenca km²
Cabal meyano m³/s


Lo río Ribota u rambla de Ribota ye un afluent de lo río Xalón por la suya marguin ezquierda. S'orichina por la unión d'uns quantos barrancos que baixan dende lo termin municipal de Malanquiella dica lo Sudeste de Clarés de Ribota. Lo principal d'estos barrancos ye lo barranco de la Bega, que reculle buena part las auguas de lo termin de Malanquiella, y a on se puet considerar que naixe la rambla de Ribota.[1]

La rambla de Ribota traviesa los termins municipals de Clarés de Ribota, Villarroya de la Sierra, Cervera de la Canyada, Torralba de Ribota y Calatayú. En Villarroya de la Sierra la suya ribera ye muito ixamplada. En lo termin de Calatayú pasa a canto de la pedanía de Ribota y caye en Xalón auguas t'abaixo de Uermeda en lo Puesto d'Importancia Comunitaria de las Foces de Xalón. L'antiga Bilbilis ye entre la rambla de Ribota y Xalón.

En la compleganza de la rambla de Ribota bi ha glacis que baixan dende la Sierra de la Virchen y dende Los Castillos de la sierra d'Armantes, tenendo més pendient los segundos. Entre los primers se troba la "Plana de Val de la Barga" entre Cervera de la Canyada y Aninyón, "Las Planillas" y "Los Lomos" a lo Norte de Cervera de la Canyada.[2]

Toponimia[editar | editar código]

Prene lo nombre de la localidat de Ribota, que s'interpreta que provién de lo latín RIBA ALTA, coderent con las ripas de la sierra d'Armantes chunto a la rambla:

  • RIBA ALTA > *Riba auta > *Ribauta > Ribota.

Antes más se diciba "río Clarés".[3]

Referencias[editar | editar código]

  1. (es) Prensa Diaria Aragonesa: Los ríos de Aragón. El Río Jalón. El Periódico de Aragón, Diputación General de Aragón, 2005, p 32
  2. (es) María Teresa Echeverría Arnedo: El relieve de la Comunidad de Calatayud, adintro de lo libro Comarca de la Comunidad de Calatayud. Colección territorio, nº 20, 2005, p 31
  3. (es) Yagüe Guirles, Ángel F., Borrás Gualis, Gonzalo M., Lacarra Ducay, M.ª Carmen: Torralba de Ribota. Remanso del mudéjar. Cuadernos de Aragón, 50. Institución Fernando el Católico, 2011. ISSN 0590-1626, p 16.

Bibliografía[editar | editar código]


Ríos de la cuenca hidrografica de Xalón
Marguin izquierda Nágima | Algadir | Monegriello | Manubles | Ribota | Aranda
Marguin dreita Piedra | Xiloca | Miedes | Griu