Sierra de Camarena
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sierra de Camarena | |
|---|---|
3715.jpg) | |
| Cheografía | |
| Cordelera | {{{cordelera}}} |
| Sector | {{{sector}}} |
| {{{tpran}}} | {{{ran}}} |
| Maxima altaria | 1.756 |
| Cimas importants | penya Blanca |
| Largaria | |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | |
| País |  Aragón
|
| {{{tpdivisión}}} | {{{división}}} |
| Cheolochía | |
| Edat | Mesozoico |
| Materials | |
| Tipo | {{{tipo}}} |
  | |
La sierra de Camarena ye una aliniación montanyosa que desparte la fuesa de Teruel y la depresión de Sarrión. Ye una zona de transición entre dos unidaz morfoestructurals: lo macizo de Chabalambre y las serranías de Gúdar, representando una linia de cimas que baixan enta lo norte dende la sierra de Chabalambre como una prolongación suya dica una zona chusto a lo sud de la sierra d'Escoriuela,[1] que presenta la mesma dirección.
Lo concepto y extensión de la sierra de Camarena ye diferent seguntes los autors, dende los que lo restrinyen a la redolada de Camarena excluyindo la sierra de las Coronillas dica los que lo extienden dica Corbalán y Formich Susano, cerca ya de las sierras d'Escorihuela y d'el Chaparral (serranías de Gúdar). Entre meyo d'estas concepcions contraposadas, bi ha muitos autors que consideran como cabo norte de la sierra lo puerto de Casedón.
Altarias
La principal altaria ye penya Blanca con 1.756 m, seguida de Fuentecilla (1.586 m), Penya Roya (1471 m), La Talaya (1.348 m), y Coronillas (1.462 m).
Toponimia
L'oronimo sierra de Camarena ye descriptivo de la naturaleza montanyosa de lo termin municipal de Camarena.
Ignacio Jordán Claudio de Asso y del Río fa mención d'esta sierra en lo suyo libro Historia de la Economía Política de Aragón (1798):
Un sector situau cerca de l'Aldeyuela chusto a lo sud de lo puerto de Casedón ye conoixiu como sierra de las Coronillas.
Ciertas elevacions a lo norte de lo puerto de Casedón apareixen en bel mapa como part de la sierra de Camarena. Bel autor considera que la sierra de Camarena plega dica Corbalán y Formich Susano. Manimenos pa este sector a lo sudeste de la depresión de Corbalán tamién existe la denominación popular de sierra de los Cabezos. Ye un sector que d'acuerdo con José Luis Peña Monné no ye en la unidat "macizo de Chabalambre" y perteneixe a la unidat "serranías de Gudar", en concreto a la subunidat "sierra d'Escoriuela-Cabezo Alto".[1]
Los textos medievals escritos en latín u aragonés pueden fer referencia la sierra de Camarena con denominacions locals de cimas concretas que no siempre coinciden con las denominacions actuals. Se nombra bella cima de la sierra de Camarena como Mont Casatón (que debeba d'estar chusto sobre lo despoblau de Casedón y lo puerto homonimo), en la "Fitación de Wamba", texto medieval que mira de chustificar las mugas de la diocesi de Zaragoza:
Bella cima y barranco de la sierra de Camarena ye nombrau en dos documentos de 1261 y 1266 a on que Chaime I prohibe a lo concello de Teruel que edifique poblacions nuevas en terrenos de la redolada pa que sigan pasturas:
Hidrolochía
La versant ueste desaugua enta lo río Guadalaviar, la versant este lo fa enta lo río de Cedriellas u río Millars.
Referencias
- ↑ 1,0 1,1 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 33.
- ↑ (es) Ignacio Jordán Claudio de Asso y del Río: Historia de la Economía Política de Aragón Editorial MAXTOR, 2010.
- ↑ (es) Ángel Canellas López: Los cartularios de San Salvador de Zaragoza, Volumen 1. Editor: IberCaixa, 1989. p. 1.
Bibliografía
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- (es) Mateo Gutiérrez Elorza: Geologia y Recursos Minerales de la Provincia de Teruel. "Cartillas Turolenses Nº 1". Instituto de Estudios Turolenses.
- (es) Mateo Gutiérrez Elorza, José Luis Peña Monné: Las formas del relieve de la provincia de Teruel. "Cartillas Turolenses Nº 7º". Instituto de Estudios Turolenses, 1990.
Se veiga tamién
- Macizo de Chabalambre.
- Fuesa de Teruel.
- Falla de Teruel.
- Puerto de Casedón.
- Rambla d'Escrich.
- Río de Cedriellas.
- Río Guadalaviar.
- Regacho de Camarena.
- Sierra de los Cabezos.
- Sierra de Corbalán.
- Sierra de Santa Barbara.