Camarena de la Sierra

De Biquipedia
Ir a la navegación Ir a la búsqueda
Camarena de la Sierra
Municipio d'Aragón
Camarena-paisajeRural (2017)3720.jpg
Camarena de la Sierra dende El Castillo
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Gúdar-Chabalambre
Superficie 79,5 km²
Población
 • Total

127 hab. (2016)
Altaria 1295 m.
Distancia
 • 40 km

enta Teruel
Codigo postal 44459
Ríos Río Camarena
Coordenadas 40° 9’ 0’’N 1° 1’58’’U
Camarena de la Sierra en Aragón
Camarena de la Sierra
Camarena de la Sierra
Situación de Camarena de la Sierra en Aragón

Camarena de la Sierra ye un municipio de la provincia de Teruel, situau en la comarca de Gúdar-Chabalambre. La suya población ye de 137 habitants (2014), en una superficie de 79,5 km² y una densidat de población de 1,72 hab/km².

Cheografía[editar | modificar o codigo]

Ye situau entre las sierras de Camarena y Chabalambre, chunto a lo río Camarena. Comprende lo lugar de Mas de Navarret.

Ye un lugar montanyoso con zonas de bosques, matullera, pastizals y poca zona de cautivo.

Mugas[editar | modificar o codigo]

Lo suyo termin municipal muga con La Puebla de Valverde, Arcos de las Salinas, La Puebla de Sant Miguel, Riodeva, Cascant, Valacroch y Cubla.

Historia[editar | modificar o codigo]

Camarena fue reconquiesta en 1205 en tiempos de Pero II d'Aragón. En 1217 teneba la categoría de villa quan Chaime I d'Aragón la donó a lo bispe de Zaragoza Sancho d'Ahons en pagas por lo Castiello de Palma[1].

Yera citada en un texto de mayo de 1262 chunto con atros lugars que lo concello de Teruel heba de repoblar. D'esta traza los teruelans nombroron mayordombres en un texto en los que salen unas aldeyas d'a zona en litichio con lo Reino de Valencia.

qui dividant et donent ad populandum quibuscumque personis voluerint...loca illa sunt in terminis turoliii, qui nominantur Musquerola, Val de Linares, Pana Calva, Atorela, Salmança, Turriles, Camarela et omnia loca que in termino Turolii sunt ad populandum

Dende la creyación de las sexmas de la Comunidat d'aldeyas de Teruel Camarena fació part de la Sexma d'el Campo de Sarrión. Fació tamién part de la Sobrecollida de Mont Albán. Por lo menos dica 1711 tenió la categoría d'aldeya, manimenos en 1785 prenió la categoría de "lugar"[1].

Toponimia[editar | modificar o codigo]

Lo toponimo Camarena ye un toponimo con la terminación -ena, que indica pertenecia. L'apelativo de la Sierra s'aplicó por lo menos dende 1920 pa diferenciar-lo d'atro Camarena en Toledo.

Bi ha microtoponimos con components antigos como La Truena, Fuente del Yelgo, Los Picayos, Requezo, Recuenco, La Salguilla, Cederilla, Arnachares, destacando-ne beluns con coincidencias u influencias de l'aragonés como Gamellón, Francheta (notable tamién por lo diminutivo diminutivo -eta fosilizau), Fuente del Codonyo, Los Canyos, Fuen Blanquilla, Fuen Somera, Plano Moral, El Planillo, El Poyal, Penya del Tormo/Penya de los Tormos, Artiga, Artigazo y El Medián.

Lo microtoponimo La Truena se documenta como La Trona en la Carta de población de Villel:

...et de la Quadradeja al fronton de la Escaleruela de la Trona, et de la Escaleruela a las canales del fondon a la foç de Ballcroch, et de las canales del fondon de la foç et fiere al Cabello Blanquo de la fuente Pudia...

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu 1979 1983 1987 1991 1995 1999 2003 2007 2011
Partido Popular 4
Partido de los Socialistas de Aragón 1
Total 5

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 Plácido Pardo Esteban UCD
19831987 Alfonso Aparicio Mateo PSOE
19871991 Alfonso Aparicio Mateo PSOE
19911995 Alfonso Aparicio Mateo PSOE
19951999 Conrado Cortés Pardo PAR
19992003 Ramón Gimeno Gil Partido Popular
20032007 Ramón Gimeno Gil Partido Popular
20072011 Ramón Gimeno Gil Partido Popular
20112015 Ramón Gimeno Gil Partido Popular

Puestos d'intrés[editar | modificar o codigo]

Referencias[editar | modificar o codigo]

  1. 1,0 1,1 (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. pp 332-333.


 
Municipios d'a comarca Gúdar-Chabalambre
Abechuela | Albentosa | Alcalá de la Selva | Arcos de las Salinas | Cabra de Mora | Camarena de la Sierra | Lo Castellar | Formich Susano | Fuents de Rubielos | Gúdar | Linars de Mora | Manzanera | Mora de Rubielos | Mosqueruela | Nogueruelas | Olba | La Puebla de Valverde | Puertomingalbo | Rubiuelos de Mora | Sant Agostín | Sarrión | Torrillas | Valbona | Val de Linars
Lugars d'o municipio de Camarena de la Sierra
Camarena de la Sierra | Mas de Navarret