Aldeyuela
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo tracta sobre lo barrio rural teruelano d'Aldeyuela. Pa atros emplegos toponimicos d'Aldeyuela vaiga a Aldeyuela (desambigación).
| Aldeyuela Aldehuela | |
| Lugar d'Aragón | |
| Entidat • País • Provincia • Comarca • Municipio |
Lugar Aragón.svg){kind=small} TeruelComunidat de Teruel Teruel |
| Partiu chudicial | Teruel |
| Población • Total |
94 hab. (2012) |
| Altaria • Meyana |
1081 m. |
| Distancia • 10 km |
enta Teruel |
| Codigo postal | 44192 |
| Parroquial • Diocesi • Arcipestrau • Parroquia |
Teruel y Albarracín Teruel Sant Miguel arcánchel |
| Coordenadas | |
Aldeyuela (Aldehuela en castellano) ye un barrio rural de la ciudat de Teruel (Aragón).
Toponimia
[editar | modificar o codigo]Lo toponimo Aldeyuela presenta lo diminutivo -uela como terminación toponimica seguindo a l'arabismo indicador de nuclio de población aldeya. D'acuerdo con Agustín Ventura Conejero este sufixo común en la provincia de Teruel s'aplicó a nuclios habitaus que yeran prou chicos, a vegadas pa dar-lis un matiz afectivo.[1]
S'escribe El Aldeyuela a primers de lo sieglo XV cuan en 1409 Benedet XIII concede la gracia de lo quinto decimero a la fabrica de la Seu d'el Salvador de Zaragoza y lo aplican en 1412. En lo Libro del Reparo del General de 1489-1491 s'escribe Aldeyuela sin articlo definiu. En lo fogache de 1495 s'escribe Aldeyuella.
Cheografía
[editar | modificar o codigo]L'Aldeyuela ye en la versant ueste de la sierra de las Coronillas (sector de la sierra de Camarena), en la marguin ezquierda de la rambla de Maranyo, a lo sudeste de Castralbo, a l'este de Villespesa y de Bellestar, y a lo norte de Cubla.
Historia
[editar | modificar o codigo]Adintro de la comunidat d'aldeyas de Teruel, Aldeyuela feba part de la Sexma d'el Campo de Cella por lo menos dende 1309.[2] Manimenos, no presenta continuidat territorial con lo nuclio d'esta sexma y se suposa que perteneixió enantes a la Sexma d'el Campo de Sarrión como atras aldeyas sudorientals dica que la creyación de la Sexma d'el Campo de Visiedo con aldeyas de la Sexma d'el Campo de Cella obligó a reorganizar las sexmas fendo pasar por compensación cuatro aldeyas de la comarca de la sierra de Camarena (Aldeyuela, Camarena, Castralbo y Cubla), dende la Sexma de Sarrión a la de Cella.[3]
En 1495 yera en la sobrecullida de Mont Albán. En 1646 yera una localidat de la vereda de Teruel. Entre 1711 y 1833 yera en lo correchimiento de Teruel. Teneba la categoría d'aldeya por lo menos dica 1711, pero en 1785 ya teneba la categoría de lugar, tenendo concello en 1834. Yera en lo partiu chudicial de Teruel.[4]
Referencias
[editar | modificar o codigo]- ↑ (es) Agustín Ventura Conejero: Notas sobre Teruel antiguo y medieval. Revista Teruel, nº 47 ,1972, p 85
- ↑ (es) Antonio Ubieto Arteta: Historia de Aragón Divisiones Administrativas, Anubar, 1983, pp 160-161.
- ↑ (es) Antonio Gargallo Moya: Los orígenes de la Comunidad de Teruel. Instituto de Estudios Turolenses, 1984. pp 38-39.
- ↑ (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. pp 77-78.
Bibliografía
[editar | modificar o codigo]- (es) Antonio Ubieto Arteta: Historia de Aragón. Divisiones Administrativas, Anubar, 1983.
- (es) Antonio Gargallo Moya. Los orígenes de la Comunidad de Teruel. Instituto de Estudios Turolenses, 1984.
| Nuclios de población de Teruel | |
|---|---|
| Aldeyuela | Campiello | Castralbo | Caudet | Concut | La Guea | Sant Blas | Teruel | Tortallada | Val de Cebro | Villalba Chusana | Villespesa |
