Bigornia

De Biquipedia
Ir a la navegación Ir a la búsqueda
Bigornia
Situación
Situación Flag of Aragon.svg Torrelapalla (Zaragoza)
Flag of Castile and León.svg Reznos, Ciria (Soria)
Latitut
Lonchitut
Vértiz cheodesico {{{vértiz}}}
Cheografía
Cordelera Sistema Iberico
Sierra Sierra de la Bigornia
Macizo {{{macizo}}}
Altaria 1.294 y 1.288 m
Alpinismo
Primera puyada
Ruta mas fácil Dende lo puerto de la Bigornia
Mapa
Sistema Ibérico.png
Montanya.svg

La Bigornia ye una cima doble de 1.294 y 1.288 m d'altaria situada en lo cabalto de la sierra homonima. La cima de 1.288 m ye en territorio aragonés a menos d'un kilometro de la muga de entre las provincias de Zaragoza y Soria. La cima de 1.294 m ye de tot en territorio de Soria.

Ye accesible dende lo puerto de la Bigornia, por a on que pasaba la calzada romana entre Bilbilis y Numancia.

Toponimia[editar | editar código]

L'oronimo Bigornia significa "enclusa con dos puntas" en castellán, palabra que se remonta a lo latín BICORNIA (plural neutro de BICORNIUS, que significa "de dos cuernos"). Manimenos puede haber-se orichinau por etimolochías populars, ya que bi ha textos escritos en latín medieval a on que s'escribe Viduerna u Vidorna.

Se fa mención d'este oronimo como Viduerna en lo "Fuero de Calatayú":

et quomodo vadit illa serra de Castiella pro nomine Albediano et quomodo vadit ipsa serra de Viduerna usque ad Calatajube: et dono vobis Berdello cum suo termino et usque ad Calatajube: Et dono vobis Caravantes cum suo termino usque ad Calatajube:

S'escribe Labidorna en la "Fitación de Wamba", texto medieval que mira de chustificar las mugas de la diocesi de Zaragoza en base a unas presuntas mugas que enta los anyos 672 u 680 habría fixau lo rei visigodo Wamba:

Casaton et ad Albentosa et ad Camarena et ad Sancta Maria de Barracin et ad Zagra et ad Labidorna; deinde ad Aranda et ad Perellosa; deinde ad Ripas montes...[1]

Lo cartografo y astronomo portugués Labanha nombra una valle de Yunquera en lo suyo "Itinerario del Reyno de Aragón (1610-1611)" que podría estar una traducción de Bigornia:

O Rio Ribota, nace no valle de Yunquera, termo de Malanquilla...[2]

Referencias[editar | editar código]

Vinclos externos[editar | editar código]