Río de Cedriellas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cedriellas Cedrillas
Administración
Estaus	{{{estaus}}}
Territorios	Aragón
Cheografía
Longaria	km
Altaria d'o naixedero	1.600 m m
Naixedero	Sierra d'el Chaparral (Cedriellas-El Castellar), Teruel)
Desembocadura	río Millars (Valbona, Teruel)
Superficie d'a cuenca	km²
Cabal meyano	m³/s
Mapa

Lo río de Cedriellas ye un curso fluvial de la cuenca hidrografica de Millars considerau dende 1955 lo primer tramo d'este río.

Desaugua las versants orientals y sudorientals de las sierras de las Molatiellas y d'el Chaparral, y la versant occidental de Cabezo Alto.

Traviesa los termins municipals d'El Castellar, Cedriellas, Formich Susano, La Puebla de Valverde y Valbona.

Naixe a piet de la sierra d'el Chaparral entre los termins municipals d'El Castellar y de Cedriellas, baixando enta esta localidat, a on que recibe las auguas de lo barranco de la Hoz y chira enta lo sud formando un codo, pa entrar atra vegada en lo termin municipal d'El Castellar, a on que recibe las auguas de lo barranco de Chuliella. Traviesa dimpués lo termin municipal de Formich Susano formando una foz fluvio-karstica dica esta localidat, a on que s'ixampla un poquet. Sale de lo termin municipal de Formich Susano pa fer de muga entre los termins de La Puebla de Valverde y de Valbona, entrando en un racón d'este zaguer termin a on que recibe las auguas de lo río de Valbona u d'Alcalá.

Hidronimia

Lo río de Cedriellas figura en muitos mapas modernos como río Millars. Dica mitat de lo sieglo XX se consideraba que lo río Millars baixaba dende Alcalá de la Selva y que lo río de Cedriellas en yera un tributario mes curto que complegaba con Millars en lo termin municipal de Valbona. La construcción de lo entibo de Valbona en 1955 suposó que lo curso d'augua entre Alcalá de la Selva y lo forcallo de Valbona, mes largo que lo río de Cedriellas se denominás río d'Alcalá dende Alcalá dica Cabra de Mora y río de Valbona dende este lugar dica lo forcallo con lo río de Cedriellas. Se reconsideró qué curso fluvial de los dos yera lo primer tramo de Millars, convertindo-se en lo río Cedriellas este primer tramo, y lo parache de lo suyo naixedero a piet d'el Chaparral lo naixedero de Millars.

Bibliografía

• (es) Jorge Hermosilla Pla (dir.): El regadío tradicional y el patrimonio hidráulico del Alto Mijares turolense. ESTEPA (Estudis del Territori i del Patrimoni), 2011, pp. 43–148.
• (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.
• (es) Eduardo Viñuales Cobos: Red Natural de Aragón. Comunidat de Teruel nº 22, Prames, 2008.
• (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
• (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.

• Datos: Q24001985