Albentosa

De Biquipedia
Ir a la navegación Ir a la búsqueda
Albentosa
Municipio d'Aragón
Escudo d'armas
Envista d'Albentosa.
Envista d'Albentosa.
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Gúdar-Chabalambre
Superficie 68 km²
Población
 • Total

267 hab. (2016)
Altaria 952 m.
Distancia
 • 46 km

enta Teruel
Codigo postal 44477
Coordenatas 40° 6’ 7’’N 0°46’ 6’’U
Albentosa en Aragón
Albentosa
Albentosa
Situación d'Albentosa en Aragón

Albentosa ye un municipio aragonés de la provincia de Teruel, situau en la comarca de Gúdar-Chabalambre y partiu chudicial de Teruel.

La suya población ye de 255 habitants (2017), en una superficie de 68 km² con una densidat de población de 3,75 hab/km².

Toponimia[editar | editar código]

Lo toponimo Albentosa se puede interpretar a partir de l'antroponimo arabe Tusar como Abin Tusar.[1]

Bi ha un casal dito "Fuent d'el Cepo", con apocopa tipica de l'aragonés. Atros toponimos con components en aragonés u en común con l'aragonés son Andreu, La Canaleta, La Barbereta, Bolage, Camino las Clochas, Clote Grande, Clotes de las Estacas, La Clapiza los Mases, La Covata, La Codonyera, Coronillas, Loma Royal, Mas d'el Royo, El Navajo, Los Planos, Tariuela y El Hurcato.

Cheografía[editar | editar código]

La localidat d'Albentosa ye situada a 952 metros d'altaria sobre lo libel de la mar, a l'este de la sierra de Chabalambre y a lo norte de la sierra d'el Toro, chunto a lo río d'Albentosa, tributario de Millars. Ye a una distancia de 46 km de Teruel, la capital de lo suyo partiu chudicial y de la suya provincia.

En lo termin municipal d'Albentosa se troban los nuclios de población de Venta del Aire, Estación de Mora de Rubielos, Fuent d'el Cepo, Los Mases (Mases del Río y Pozolance). Una important duana de lo Reino d'Aragón correspondeba a un despoblau conoixiu como Las Barracas de los Chaqueses, actualment un mas deshabitau con tres edificios conoixiu como Venta de la Jaquesa u simplament La Jaquesa. Se tiene conoixencia d'atros nuclios de población menors habitaus u no como Venta del Barro, Atalaya, El Chopo, Estación de Rubielos de Mora, Hoya de Sancho, Los Bartolos, Los Pepitos y El Cagarrete.[2]

Mugas[editar | editar código]

Lo suyo termin municipal muga con Sant Agostín, Lo Toro, Manzanera y Sarrión.

Historia[editar | editar código]

Seguntes Agustín Ubieto Arteta, la primera cita de lo lugar ye de 1194, recollida en la tesi doctoral d'Ana Bonet Punsoda La Orden del Temple y su encomienda de Zaragoza (Facultat de Filosofía y Letras, Universidat de Zaragoza, curso 1966-1967), y documenta nomás lo nombre d'Albentosa.[3]

Perteneixió a los Templers. En 1251 Eximén Pérez d'Arenós cambió Masarroyos y Benifaraich por Albentosa y mugó lo suyo termin:[4]

terminatur in fonte Cepi, et tendit usque ad vilarium de Padul et usque ad extremum quod est supra turrim Pedonorum et turrimm Siccam, et in Mata Gorda et in fonte del Bavor et in ponte Sicco, et in collado qui tendit usque Arenosum, et transit dictus campus ad ramblam et tendit ad cabitium Pini Forcati et ad vilarium Dominici Garcie, et in torrente qui est in introitu Palancarii et deinde redit ad fontem Cepi.

En 1272 lo chudez Albert de Lavánia adchudicó Albentosa a lo concello de Teruel, feito confirmau por Chaime I l'1 de mayo.

... Nos Jacobus ... Iaudamus, concedimus et confirmamus vobis probis hominibus toti concilio ville et aldearum Turolii sentenciam... pro vobis et contra Johannem Eximini seu Blasium Eximini, fratem et curatorem eius, super castro et villa de Alventosa..., ita videlicet quod vos concilium predictum et vestri successores inperpetuum habeatis et teneatis ac posideatis dictum castrum et villam de Alventosa cum suis pertinentiis universis...

Adintro de la comunidat d'aldeyas de Teruel, Albentosa feba part de la Sexma d'el Campo de Sarrión. En 1446 feguraba en la sobrecollida de Teruel, manimenos en 1495 yera en la sobrecollida de Mont Albán. En 1646 yera una localidat de la vereda de Teruel. Entre 1711 y 1833 yera en lo correchimiento de Teruel. En 1785 teneba la categoría de lugar, tenendo concello en 1834. Yera en lo partiu chudicial de Mora de Rubielos pero en 1965 pasó depender de lo partiu chudicial de Teruel.[2]

En 1810 estió scenario de la Guerra de lo Francés, quan lo cheneral Józef Chlopicki capturó una columna d'artillería comandada por José María de Carvajal que fuyiba de Teruel, conquiesto por los bonapartistas.

Albentosa estió un scenario de la Guerra Civil Espanyola en 1938 poco dimpués d'haber encomenzau la ofensiva de Levant dende Teruel enta Murviedro y Valencia (25 de marzo - 24 de chuliol), y tamién dimpués de la fin d'esta ofensiva por contraataques republicans.

Demografía[editar | editar código]

Evolución demografica
2003 2004 2005 2006 2007 2008 2009 2010 2011
- - - - - 310 317 - -

2012 2013 2014 2015 2016 2017 2018 2019 -
- - - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 4
Partido Popular 2
Partido Aragonés 1
Total 7

Alcaldes[editar | editar código]

Lista d'alcaldes
Lechislatura Nombre Partiu politico
19791983
19831987
19871991
19911995
19951999
19992003
20032007
20072011 José Corella Vicente Partido de los Socialistas de Aragón
20112015 José Corella Vicente Partido de los Socialistas de Aragón

Molimentos[editar | editar código]

Fiestas[editar | editar código]

2 y 3 d'agosto: Sant Roque.

Vinclos externos[editar | editar código]

Referencias[editar | editar código]

  1. (es) Joan Carles Membrado Tena: Etimología y semántica de topónimos municipales valencianos y aragoneses. Actes de la VII Jornada d'Onomàstica. Xerica 2013. pp. 239-254, AVL, València.
  2. 2,0 2,1 (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. pp 55-56.
  3. (es) Ubieto Arteta, Agustín: Toponimia aragonesa medieval, Valencia, 1972, pachina 25.
  4. (ca) Enric Guinot: Els límits del regne. El procés de formació territorial del País Valencià medieval (1238-1500). Edicions Alfons el Magnànim, 1995. p 80.
  5. (es) Las excavaciones descubren la torre del homenaje del castillo templario de Albentosa. Ye l'actual fosal de lo lugar.


Lugars d'o municipio d'Albentosa
Albentosa | Estación de Mora de Rubielos | Fuent d'el Cepo | Las Barracas de los Chaqueses | Los Mases | Venta de l'Aire


 
Municipios d'a comarca Gúdar-Chabalambre
Abechuela | Albentosa | Alcalá de la Selva | Arcos de las Salinas | Cabra de Mora | Camarena de la Sierra | Lo Castellar | Formich Susano | Fuents de Rubielos | Gúdar | Linars de Mora | Manzanera | Mora de Rubielos | Mosqueruela | Nogueruelas | Olba | La Puebla de Valverde | Puertomingalbo | Rubiuelos de Mora | Sant Agostín | Sarrión | Torrillas | Valbona | Val de Linars