Texudo
De Biquipedia
| Texudo | ||||||||||||
|---|---|---|---|---|---|---|---|---|---|---|---|---|
 Texudo europeyo (Meles meles). |
||||||||||||
| Estato de conserbazión | ||||||||||||
|
||||||||||||
| Clasificazión zentifica | ||||||||||||
|
||||||||||||
| Sozfamilias | ||||||||||||
O te(i)xudo, taixón, teixón u melón (Tejudo en o castellano d'Aragón, Tejón en castellano normatibo) ye lo nombre que reziben una colla d'animals mamiferos carniboros de mida meyana que pertenixen en a familia d'os mustelidos.
Os texudos son animals de mida meyana, con a cabeza trianglar, de cuerpo luengo como la mayoría d'os animals d'a suya familia. Belas espezies pueden plegar dica 90cm de lonchitut anque la mayoría d'elas tienen una codeta curta, de nomás 15 cm. As garras suyas son curtas e fuertas, espezialment en as debanteras que fan marchar ta escardar.
Cuasi toz os texudos d'o mundo son animals noturnos, encara que sen bei en as primeras oras d'a crepusclada, ye cuasi imposible beyer-los á plena luz d'o día. Pueden puyar enta os arbols anque lo fan con malas trazas, son en tanto prou més buenos nadadors.
Son animals sozials que les gusta d'achuntar-se en cados comuns con altros concheneres. Ye posible, á más, beyer-los chugar entre ellos espezialment con os chobens d'os cuals os adultos belas begadas se'n reparten os cuidatos.
