Fonz

Fonz
Municipio d'Aragón
Entidat  • País  • Provincia  • Comarca	Municipio Aragón  Uesca Cinca Meya
Superficie	55,5 km²
Población  • Total	1,082 hab. (2005)
Altaria	471 m.
Distancia  • 68 km	enta Uesca
Codigo postal	22422
Parroquial  • Diocesi  •Arciprestato	Bp. de Balbastro-Monzón Semontano
Coordenatas	42° 0’36’’N 0°15’32’’E
Fonz Situación de Fonz en Aragón

Fonz ye un municipio aragonés d'a provincia de Uesca, en a comarca d'a Cinca Meya.

A suya población ye de 1.082 habitants (2005) en una superficie de 55,5 km² y una densidat de población de 19,49 hab/km².

Molimentos

A Plaza Mayor estió declarada molimento historico artistico en 1976, an se troban a ilesia renacentista y a fuent de seis canyos tamién renacentista.

En a plaza y redolada se conservan once palacios, quasi totz ells renaixentistas, un d'ells, o Palacio d'os Barons de Valdeolivos, d'o sieglo XVI, que se'n puet vesitar l'interior.

Toponimia

Si no ye un derivato d'un antroponimo latín FONTIUS, o nombre oficial en castellán representa un plural aragonés fosilizato en una parabra que pareix catalana.

• Fonts (plural de Font) > Fonz.

Encara que en catalán se diga Fon(t) y en aragonés cheneral Fuen(t), en aragonés d'a Ribagorza y mitat oriental d'o Sobrarbe Fuen(t) se diz Fon, como caso de no diftongación como excepción a la diftongación regular, normal en una zona de muga lingüistica progresiva entre dos luengas con un común orichen (l'aragonés ribagorzán y o catalán son en a mesma isoglosa por o que fa a la diftongación u no diftongación d'o latín FONTEM).

En o Fogache de 1495 s'escribiba Fonç.

Con una traza coincident con a ortografía propuesta por l'Academia de l'aragonés trobamos Fontz en un texto de 1304 d'o Cartulario de Chestalgar escrito en Alcoleya de Cinca, o testamento de Gombal d'Entenza:

Ítem, a Bertrán de Fontz por aquesta misma razón dozientos huytanta VI sueldos e VIII dineros e miallya jaccenses.

Ítem, a don Guillem [fol. 32v] del Almariar, por la dita razón, trizientos dos sueldos tres dineros mialla jaccenses.

Ítem, a Pero Ianuas por razón del dito viage sexanta siet sueldos V dineros jaccenses.

Ítem, a Goncalbo Foncea, qui stá en Çaragoça por razón del dito viage trezientos vint VII sueldos VIII dineros e miallya jaccenses. Ítem, a Guillamón de Fontz por la dita razón trizientos diez e hueyto sueldos quatre dineros e mialla.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									3
Partido Popular									3
Chunta Aragonesista									2
Partido Aragonés									1
Total									9

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	José Teodoro Ferrer Perostes	Partido de los Socialistas de Aragón

Presonalidatz naixitas de Fonz

Categoría principal: Naixitos de Fonz.

• Francisco Codera Zaidín, historiador, filologo y arabista.

Fiestas

• 15 d'agosto

Veyer tamién

• Lista de municipios de Uesca

Lugars d'o municipio de Fonz
Cofita | Fonz