Daroca

Daroca
Municipio d'Aragón
Puerta baixa
Entidat  • País  • Provincia  • Comarca	Municipio Aragón  Zaragoza Campo de Daroca
Superficie	52,24 km²
Población  • Total	2,274 hab. (2007)
Altaria	797 m.
Distancia  • 83 km	enta Zaragoza
Codigo postal	50360
Ríos	Xiloca
Coordenatas	41° 9’ 0’’N 1°25’ 0’’U
Daroca Situación de Daroca en Aragón

Daroca. Fuent d'os vente canyos.

Daroca ye una ciudat aragonesa situata en a comarca d'o Campo de Daroca. A suya población ye de 2.274 habitants (2007), en una superficie de 52,24 km² con una densidat de población de 43,81 hab/km².

Cheografía

Ye situata en a compleganza de Calatayú, en a depresión d'o Xiloca, a 797 metros d'altaria sobre o ran d'o mar.

Mugas

O suyo termin municipal muga con Nombrevilla, Villanueva de Xiloca, Val de Forna, Val de Sant Martín, Val Conchán, Forcallo, Manchons, Retascón y Villarroya.

Historia

La reconquerió Alifonso I d'Aragón o Batallero en 1121 y li dió un primer fuero en 1141. Dimpués d'a Batalla de Fraga y a muerte d'o Batallero a zaguera mención d'un tenent ye d'octubre de 1134 y Daroca fue quasi abandonata. Por quasi seis anyadas Daroca quedó despoblata.

Dende mayo de l'anyo 1140 encomienza a ser citato o tenent Sancho Inyiguez, que ya heba estato tenent de Daroca enantes. A febleza d'os almorabetz permitió a los cristians aragoneses de reocupar Daroca. Remón Berenguer IV li dió un segundo fuero en 1142, con este fuero Daroca esdevinió a capital d'a Comunidat de Daroca. En 1294 se concede a Daroca o dreito a celebrar ferias. En 1366 o rei Pero IV li dió o titol de ciudat.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés	5	2	4	3	2	2	3	4	5
Partido de los Socialistas de Aragón	2	8	7	6	5	5	4	4	3
Partido Popular	-	1	-	2	4	3	4	3	3
Izquierda Unida	-	-	-	-	0	1	0	-	0
Unión de Centro Democrático	4	-	-	-	-	-	-	-	-
Total	11	11	11	11	11	11	11	11	11

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Álvaro Blasco Martín
2011–2015	Miguel García Cortés	Partido Aragonés

Puestos d'intrés

• Murallas meyevals (con mas de 4 km.)
• Puertas d'a muralla.
• Fuent de los vente canyos.
• Ruejo del Milagro, un ruello miragloso que salvó a Daroca quan se i embadinaba l'augua.

Molimentos relichiosos

• Ilesia de Sant Miguel.
• Ilesia de Sant Chuan.
• Iglesia de Santo Domingo.
• Basilica de Santa María de los Sagratos Corporals (Estió colechiata).

En la Edat Meya i heba diez ilesias: Santa María, Sant Per, Sant Andreu, Sant Chuan, Santo Domingo, Sant Miguel, Sant Chaime, Sant Martín, Sant Lorient y Sant Valero.

Presonalidatz naixitas de Daroca

Categoría principal: Naixitos de Daroca.

Celebracions

• Festival de Mosica Antigua (Chulio).

Vinclos externos

• Se veigan as imáchens de Commons sobre Daroca.
• Daroca datos alazetals
• Comarcas de Daroca y Calamocha