Chasa

Chasa
Municipio d'Aragón
Anvista de Chasa dend'o río Osia.
Entidat  • País  • Provincia  • Comarca	Municipio Aragón  Uesca Chacetania
Superficie	8,9 km²
Población  • Total	122 hab. (2008)
Altaria	944 m.
Distancia  • 92 km	enta Uesca
Codigo postal	22731
Ríos	Osia
Coordenatas	42°41’38’’N 0°39’54’’U
Chasa Situación de Chasa en Aragón

Chasa ye un municipio aragonés d'a comarca d'a Chacetania, en a provincia de Uesca y partito chudicial de Chaca. Tamién fa parte d'a diocesi de Chaca.

A suya población ye de 122 habitants (2008), en una superficie de 8,9 km², con una densidat de población de 13,71 hab/km².

Cheografía

A localidat de Chasa ye situata en a val d'o río Osia a una altaria de 944 metros dencima d'o ran d'a mar, a lo norte d'a provincia de Uesca y a una distancia de 92 km d'a ciudat de Uesca, a capital d'a suya provincia.

Chunto con Ansó, Aragüés de lo Puerto y Val d'Echo forman a Mancomunidat d'as Vals.

Economía

L'actividat economica principal ye a ganadería de bovín y en segundo puesto, dende as anyadas 70, o torismo.

Historia

Chasa en hibierno

A val d'o río Osia debió d'estar poblau dende tiempos prehistoricos como testimonian diversas restas identificadas en a val como lo dolmen de Lizara.

En o "Diccionario Historico-Cheografico d'a Diocesi de Chaca" (Dámaso Sangorrín Diest, 1917) se fa referencia a un rechistro de l'archivo d'Aragón de 1227 en o que s'ementa que ye d'o rei Pietro II a Onor de Suesa que se composa d'os puestos de "Jassa, Arahues, Bosa y Aysa".

Destaca en a suya historia recient Joaquín Gil Berges, ministro d'os gubiernos d'a Primera Republica Espanyola: de Gracia y Chusticia mientres o gubierno de Francisco Pi i Margall y ministro de Fomento mientres o gubierno de Emilio Castelar.

Demografía

Evolución demografica

1362 f 1495 f 1842 1857 1860 1877 1887 1897 1900 - - 192 485 517 470 450 421 418

1910 1920 1930 1940 1950 1960 1970 1981 1991 401 358 327 276 215 189 134 129 97

1992 1994 1996 1997 1998 1999 2000 2001 2002 - - 137 - 124 127 127 123 117

2003 2004 2005 2006 2007 2008 2009 2010 - 115 128 124 124 121 122 - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular	-	5	-	2	1	3	2	1	4
Partido de los Socialistas de Aragón	2	-	-	3	1	0	2	4	1
Partido Aragonés	-	-	-	2	3	0	0	-	0
Iniciativa Aragonesa	-	-	-	-	-	-	1	-	-
Unión de Centro Democrático	3	-	-	-	-	-	-	-	-
Total	5	5	-	7	5	3	5	5	5

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	José María Miranda Val	Partido de los Socialistas de Aragón
2007–2011	José María Miranda Val	Partido de los Socialistas de Aragón
2011–2015	Consuelo Usieto Alegría	Partido Popular

Patrimonio cultural

• Ilesia parroquial de Nuestra Sinyora de l'Asumpción, una ilesia que data d'o sieglo XVI, d'estilo gotico.
• Museu Etnolochico en l'armita de Sant Per.
• Casa Monín, colección de obchectos y retratos antigos a modo de museu etnolochico particular.
• Eixemplos d'arquitectura civil tradicional d'o Pireneu.

Fiestas

• Fiestas mayors: se celebran t'a Virchen de l'Asumpción, o 15 d'agosto.
• Fiestas chicotas: San Sabastián, o 20 de chinero.
• Danza d'o Palotiau, que piensan que puet estar una reminiscencia d'a Lugnasad u fiesta d'a collita d'agosto propia d'os celtas.

Información

Concello de Chasa, Telf.: 974 371 431. Mancomunidat d'as Vals: losvalles.com

Mapas topograficos que describen a redolada son:

• escala 1:25.000, hoja 144-3 (Echo) y 144-4 (Villanuga), publicatos por IGN
• escala 1:50.000, hoja 144 (Anso), publicato por IGN y SGE

Vinclos externos

• Ficha d'a población.