Falco tinnunculus
| Falco tinnunculus | |
|---|---|
 | |
| Denominacions populars | |
ciquilín, azoret, esparveret, esparvero petit / esparver petit | |
| Estau de conservación | |
| Clasificación cientifica | |
| Animalia | |
Filo: |
Chordata |
| Aves | |
| Falconiformes | |
| Falconidae | |
| Falco | |
| F. tinnunculus | |
| Descripción | |
| Distribución cheografica | |
 Amariello = En verano Verde = Tot l'anyo. | |
O ciquilín[1] u azoret[1] (nombre cientifico Falco tinnunculus (L., 1758)), tamién dito esparveret[1] u esparvero petit[1][nota 1], ye una especie de falcón de mida chiqueta muit frecuent en Europa, Meyo Orient y o norte d'Africa. Se considera a especie de falcón mas chiqueta que reside de perén en ixes países, pos a sola especie que i gosa competir de mida tan chiqueta ye o esmerellón (Falco columbarius), que ye un au migradera.
O ciquilín ye una Falconiforme chiqueta, d'entre 34 y 38 centimetros de lonchitut y d'entre 70 y 80 cm d'envergadura d'alas. As alas son soras u royiscas, color d'archila cueta en a esquena d'os masclos, mas discretas en as fembras. A cabeza d'os masclos adultos ye, de manera caracteristica, de color grisa. Toz, masclos y fembras, tienen a punta d'a coda y d'as alas negra, y una faixeta fusca que les baixa por a galta debaixo d'os uellos. Como en toz os miembros d'o chenero Falco, a cera d'o pico, os parpiellos y as patas son de color amariella viva.
Os ciquilins son animals muit adaptables, que habitan bien en zonas con buena presencia humana. S'han gosato documentar buena cosa d'eixemplars en zonas urbanas y dica adintro d'as grans ciudaz. Meten as cobatas en os edificios, en as falsas y debaixo d'os tellatos. Cazan millor en espacios opiertos que no en as selvas, y tienen per caracteristica que a sobén no s'albiran o terreno dende bel puesto elevato como fan altras aus de presa, aguardando-ie que pase bella victima d'antes de volar-se contra ella, sino que baten as alas y se mantienen quietos en un punto en l'aire, tot cernindo-se.
Zoonimia
[editar | modificar o codigo]Se conoix con o zoonimo «ciquilín» en buena parte d'o territorio de parla aragonesa,[2] documentando-se de manera indistincta en comarcas diferents como l'Alto Galligo, a Chacetania, Sobrarbe, os Monegros, Cinco Villas. Puntualment se documenta con ch- inicial, «chiquilín», talment per mesclar-se o termino con l'adchectivo «chico» que tan bien s'escai a la suya descripción per a mida tan chiqueta que tiene.
En a Ribagorza a parola ta decir-ne ye mas variadera. En bels municipios se i reconoix o termino aragonés «ciquilín», sobretot en a zona occidental d'a comarca, en nuclios como Foradada d'o Toscar,[2] La Poblla de Fantova[2] y Esdolomada.[2] En a zona mas oriental, anque a parla local faiga parte de l'idioma aragonés, i utilizan parolas que pareix que hipoteticament se relacionarían con a radiz etimolochica de «zorz»: Se rechistra «choriguer»[2] en Benás y en A Puebla de Castro, «ixoriguer» en Benás,[2] en Castillón de Sos[2] y en Sarller.[2]
En Echo y en Ansó, en l'altro extremo d'os Pireneus d'Aragón, se i ha puesto trobar tamién a forma «xoriguer»,[2] y per isto cal descartar que se tracte d'un orientalismo. Anque en cualsiquier caso, pareix que se tracta d'un termino mas minoritario.
Paralelament a tot isto, en bellas localidaz tamién se documentan formas d'o nombre relacionatas con a forma «esparver», que en aragonés sole fer referencia a especies de mida mas gran. Se rechistra como «esparvel» en Cinco Villas,[3] en Pina d'Ebro[2] y en Echo.[2] Como «esparvero» en Sarller,[2] en Granyén,[2] en Benás[2] y en Alcanyiz;[2] «esparver» en Benás,[2] en Sarller,[2] en Chía,[2] en Vallabriga[2] y en Esdolomada[2] y «esparveret» en As Corz[2] y en Campo.[2] Como se puede veyer, a distribución cheografica d'ixas formas ye aleatoria, y millor se gosan interpretar como errors d'identificación u eixemplos d'uso d'un termno impreciso que no como formas de nombre propio ta ista especie.
Imáchens
[editar | modificar o codigo]
Fembra.
Masclo.
Detalle d'a cabeza d'una fembra.
Fembra.
Eixemplar choven.
Pollet de poquez días en un tiesto.
Niedo en un edificio.
Aparellando-se.
Secuencia d'imáchens d'o volido cernidor.
Volido linial
Uevo de Falco tinnunculus.
Notas
[editar | modificar o codigo]- ↑ Con a variant esparver petit
Referencias
[editar | modificar o codigo]- 1 2 3 4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 3 4 5 6 7 8 9 10 11 12 13 14 15 16 17 18 19 20 21 22 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
- ↑ BLASCO ZUMETA, Javier, Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009. ISBN 978-84-8321-971-3
Se veiga tamién
[editar | modificar o codigo]Vinclos externos
[editar | modificar o codigo]
Wikispecies tiene un articlo sobre Falco tinnunculus.
Se veigan as imáchens de Commons sobre Falco tinnunculus.- (es) Ficha d'o Falco tinnunculus seguntes Javier Blasco-Zumeta.
| Especies d'o chenero Falco | |
|---|---|
| F.alopex | F.amurensis | F.araeus | F.ardosiaceus | F.berigora | F.biarmicus | F.cenchroides | F.cherrug | F.chicquera | F.columbarius | F.concolor | F.cuvierii | F.deiroleucus | F.dickinsoni | F.eleonorae | F.fasciinucha | F.femoralis | F.hypoleucos | F.jugger | F.longipennis | F.mexicanus | F.moluccensis | F.naumanni | F.newtoni | F.novaeseelandiae | F.peregrinus | F.punctatus | F.rufigularis | F.rupicoloides | F.rupicolus | F.rusticolus | F.severus | F.sparverius | F.subbuteo | F.subniger | F.tinnunculus | F.vespertinus | F.zoniventris | F.fasciinucha |
| Control d'autoridaz |
|
|---|
Datos: Q26490- Multimedia: Falco tinnunculus / Q26490
- Especies: Falco tinnunculus