Especie

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En biolochía, una especie (d'o latín spĕcĭes) ye una d'as unidaz basicas d'a biodiversidat. Per un regular, una especie ye constetuita d'organismos individuals d'una población natural, con:

• Capacidat ta cobrir-se entre ellos y reproducir-se, librando nuevos individuos fértils.
• Aspecto fisico, caracteristicas y chenoma similars, pos tienen ancestros comuns en tiempos relativament recients.

D'antes no se determine si diferents individuos perteneixen a la mesma especie, cal estudiar-los ta poder unificar-ne os rasgos a considerar. Anque bi ha diferents definicions d'especie, huei a separación d'entre especies ye prou bien definita, atamas d'a linia separadera d'especies y subspecies que ye mes deficil de determinar concluyentement. As especies s'agrupan en cheneros, familias, órdens..., d'alcuerdo con o suyo parentache filochenetico.

En a clasificación cientifica, cada especie tiene un nombre binominal; o primero ye especificar-ne o chenero y dimpués a especie, anque, ta identificar-la s'han de mentar es dos nombre chuntos, per un regular escritos en corsiva (perque son en latín) y subrayatos cuan son escritos a man. Asinas, os humanos somos una especie d'o chenero Homo, dita Homo sapiens. Esta nomenclatura fue estandardizada per Carl von Linné en o sieglo XVIII y a sobén s'en diz "nomenclatura linneguana". Mes formalment, o nombre especifico se gosa escribir con o suyo descubridor u descriptor acompanyando-lo, chunto con l'anyo en que ne facioron a primer descripción.

Numero d'especies

Lo numero real d'especies ye muito impreciso y varia notablement seguntes las fuents. Cualques estimacions abarcaban dende millons a billons d'especies, encara que un estudio de 2017 aumenta ixa cifra dica 1 trillón en a suya mayoría especies microbianas.

A paixarella monarca (Danaus plexippus) ye una especie d'insecta.

A rana pirinenca Rana pyrenaica) ye una especie d'Amphibia.

Sin incluyir especies fósils, alto u baixo, dica lo momento s'han descrito 2,3 millons d'especies, d'eucariotas descritas que se puet desglosar asinas:

• 68.773 Vertebrata:
  • 6.054 Mammalia.
  • 11.157 Aves.
  • 10.196 Reptilia.
  • 8.136 Amphibia.
  • 33.230 (2015) Pisces
• 1.404.446 Invertebraus:
  • 1.147.646 Insecta. ^{(i fa falta una fuent)}
  • 86.600 (2024) Mollusca.
  • 40.000 Crustacea. ^{(i fa falta una fuent)}
  • 130.200 altros invertebratos. ^{(i fa falta una fuent)}
• 292.350 Plantae:
  • 20.000 molsas.
  • 13.025 falces.
  • 1.052 Gimnosperma (2014).
  • 199.350 Magnoliopsida.^{(i fa falta una fuent)}
  • 59.300 Lilliopsida.^{(i fa falta una fuent)}
• 10.000 liquens.^{(i fa falta una fuent)}

Se veiga tamién

• Sistema de nomenclatura binominal.
• Clasificación cientifica.
• Clase (biolochía).
• Orden (biolochía).
• Familia (biolochía).
• Chenero (biolochía).

Vinclos externos

• Wikispecies tiene un articlo sobre Especie.
• (es) catalogueoflife.org.

Referencias

• Datos: Q7432
• Multimedia: Species / Q7432