Tiesto

De Biquipedia
Ir a la navegación Ir a la búsqueda
Tiesto vueito

Un tiesto ye un recipient pa o cautivo de plantas. Tradicionalment os tiestos se fan d'alfarería, pero actualment bi'n ha muitos en o mercau que son de plastico biodegradable. Istos son lichers, y más dificils de crebar, pero tienen o inconvenient de que en l'exterior son facilment vulcaus con vientos cerenyos. Tamién bi'n decorativos feitos de piedra u porcelana.

Tiestos de diferents midas con plantas

Os tiestos tienen a-saber-los usos, como cautivar plantas con fins decorativas adintro d'as casas u difuera, como en balconadas y patios. Tamién sirven pa transportar plantas y fer cherminar simients.[1]

Historia[editar | editar código]

Os tiestos ya s'utilizaban dende tiempos muit antigos. En l'antigo Echipto se feban servir en a horticultura pa transportar plantas d'un huerto ta atro. En Atenas, se chitaban tiestos con flors a la mar mientres as festividatz d'os Chardins d'Adonis. Teofrasto, c. 371 – c. 287 aC, comentó que bi heba una cierta planta, dita "fusta d'o sud" que s'heba de mantener en tiestos porque yera dificil de cautivar.[2]

En l'Antiga Roma se sabe que qualques plantas se manteneban adintro d'as casas en tiestos mientres os días crudos d'hibierno.

En o sieglo XVIII se facioron servir tiestos pa portiar arbols d'o pan chovens dende Tahití dica as Indias Occidentals en o famoso viache d'o "Bounty".[3]

Se veiga tamién[editar | editar código]

Referencias[editar | editar código]

  1. (en) Etaerio - A Plant News Weblog: The History of the Flowerpot. Ubcbotanicalgarden.org. 2004-09-07
  2. (en) History of Ancient Pottery. Samuel Birch, 1858. Ed. J. Murray
  3. (en) http://www.csmonitor.com/2004/0818/p14s02-liga.html In praise of the flowerpot / The Christian Science Monitor]. CSMonitor.com