Falco columbarius

Falco columbarius
Esmerellón (Falco columbarius)
Estato de conservación
Seguro.
Clasificación scientifica
Dominio: Eukaryota Reino: Animalia Filo: Chordata Clase: Aves Orden: Falconiformes Familia: Falconidae Chenero: Falco Especie: F. columbarius
Nomenclatura binominal
Falco columbarius
Linnaeus, 1758

O esmerellón u esmerollón (Falco columbarius (L., 1758)) ye un falcón de mida chiqueta que habita en Eurasia y America d'o Norte. Nidifican en as zonas holarticas d'o hemisferio norte, y emigran cara a o sud en hibierno. En a Peninsula Iberica ye una especie hibernadera.

O esmerellón ye un au depredadera, y como totz os falcons tiene predilección per encalzar altras especies d'aus interceptando-las en l'aire, más que no dedicar-se a abatir-se sobre radedors, chicotz reptils y altros animals que i podese trobar en o suelo.

Se reconoix per a coloración azulenca que tienen en a esquerna y a cara dorsal d'as alas, y a faixa negra que tienen en a punta d'a coda y d'as alas. A demés d'a mida que ye bien más chiqueta que la d'altras Falconiformes, se tracta, en chunto con o ciquilín (F. tinnunculus) d'una d'as especies de falcons más chiquetas. Per a mida pareixita que tienen as dos especies, a sobén omne l'entivoca con o ciquilín (u mesmo, se crei que ye a fembra d'ixe altro animal) si no en tiene guaire conoixencia, decumentando-se esporadicament o nombre popular de «ciquilineta».

En a edición aragonesa d'o Libro d'o Trasoro (s. XIV - XV) se'l nombra «smerellón» y «smerollón», y se i diz que ye una especie hábil cazadera y fácil de domesticar.

Son de tres maneras: uno que ha la squina grifa; otro que ha la squina negra e es fuert bastoso; el otro es grant e resemblant a falcon lanero blanco, e es millor de todos los otros smerollones e mas aúna se torna privado.

Libro d'o Trasoro, circa 1400.

A demés, en o mesmo texto se describe el que podría estar un caso d'estereotipia. Ixo ye, bell transtorno comportamental (á sobén compulsivo) que os animals salvaches desarrollan quan se troban en captiverio privatos ta fer bellas actividatz que en a naturaleza farían.

Mas viene-les una malicia por que ellos se comen los pies, si omne no los ne fa star con tanta de simient de lino o de miel que el artillo no prenga por de fuera.

Libro d'o Trasoro, circa 1400.

O mesmo autor d'o texto ofreix una solución ta privar que se pizquen as garras, y ye impregnando-les o pico con besque u ungüento que impida que l'apendiz «prenga por difuera».

Imáchens

• 
• 

  Ilustración

• 

  Fembra

• 

  Domesticato

• 

Se veiga tamién

• Falcón.
• Alica.
• Azor.
• Esparver.
• Ciquilín.
• Babieca.
• Mochuelo.
• Crabero.
• Bubón.

Vinclos externos

• Biquiespecies tiene un articlo sobre Falco columbarius.
• Se veigan as imáchens de Commons sobre Falco columbarius.