Falco eleonorae
| Falco eleonorae | |
|---|---|
 | |
| Estato de conservación | |
| Dende o Dende l'interglacial Günz-Mindel (Pleistoceno meyo) | |
| Clasificación scientifica | |
| Eucariotas | |
| Animalia | |
Filo:
|
Chordata |
| Aves | |
| Falconiformes | |
| Falconidae | |
| Falco | |
| F. eleonorae | |
| Descripción | |
Falco eleonorae
Gene, 1839 | |
| Distribución cheografica | |
 | |
Falco eleonorae(Gene, 1839) conoxiu comunment como falcón d'Alionor u falcón marín ye una especie de falcón distribuita por ciertas costas y islas d'a mar Mediterrania, Marruecos y Canarias que hiberna en Madagascar. Prene o suyo nombre en honor a Alionor d'Arborea, chueza d'Arborea que en zaguerías d'o sieglo XIV establió una lechislación de protección d'as aus rapinyaderas, a primera conoixida.
Habitat y distribución[editar | modificar o codigo]
Cría en cinglos d'a marguin d'a mar de muitas costas y islas d'a Mediterrania: en Turquía, Grecia, Dalmacia, Cerdenya, Secilia, atras partz d'Italia, Túniz, Alcheria y Marruecos. Tamién se troba en a costa atlantica de Marruecos y en as Islas Canarias. Se troba en as Islas Columbretes y en as Islas Balears; en a isla de Sa Dragonera ye a colonia de cría més gran d'esta especie d'a Mediterrania occidental. Hiberna en Madagascar y en a suya rota migratoria pasa por a mar Roya.
Rechistro fósil[editar | modificar o codigo]
Ya se troba fósil en chacimientos d'edat Günz-Mindel (biozona MNQ 21 adintro d'o Pleistoceno meyo en Francia y Italia; en o Pleistoceno superior se troba en chacimientos de Francia, Italia, Grecia, Península Iberica, Mallorca, Ibiza, Creta y Tylos. A solo chacimiento fósil d'os Pireneus a on se troba ye o de Izturitze,[1] (Pireneus Atlanticos) d'edat Würm IV.
Alimentación[editar | modificar o codigo]
S'alimenta d'insectos y de muixons chicotz que ensopinan en l'aire.
Reproducción[editar | modificar o codigo]
Ye tardano criando en relación a totas as aus rapinyaderas y la més gran part d'as aus europeas, y la fa coincidir con o paso d'as chicotas aus migraderas en agüerro por as costas mediterranias.
Cría en colonias. A puesta la fan en faixas en os cinglos. Ponen 2-4 uegos, rosaus con tacas marrons.
Referencias[editar | modificar o codigo]
- ↑ Oscar Arribas: Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9
Vinclos externos[editar | modificar o codigo]
Se veigan as imáchens de Commons sobre Falco eleonorae.
Wikispecies tiene un articlo sobre Falco eleonorae.
