Aragonés campés

Campés
Variedat de l'aragonés
Situación d'o campés
Localización cheografica
Territorios	Ribagorza
Lugar(s) principal(s)	Campo
Sociolochía
Vitalidat	Alta
Literatura
Rasgos dialectals	De transición ta o catalán

O campés ye a parla local aragonesa que se charra en Campo (Ribagorza).

Fonetica

Son muitos os casos de perda d'a -o final que no gosan trobar-se en aragonés cheneral:

• Embolic: embolico, embolique.
• Sort: suerte.
• Corp: cuerpo.
• Traball: treballo.
• Any: anyo.
• Rebós: reposte.
• Fet: feito, feto.
• Uells: uellos.
• cunills: conillos.
• Polls: pollos.

Bi ha bell caso de no diftongación d'a Ĕ curta latina, os tres primers los trobamos también en baixo-ribagorzano:

• Ben: bien.
• Tamé: tamién.
• Peus: pietz
• Terra: tierra. Terra tamién se troba en benasqués.
• Pedra: piedra.
• Tempo: tiempo.

Bi ha bell caso de no diftongación d'a Ŏ curta latina:

• Sort: suerte.
• Corp: cuerpo.
• Forza: fuerza.

Se conservan más casos de diftongación debant de Yod que en baixo-ribagorzano.

• OCULU > *ollo > uell

O grupo -it- gosa estar castellanizau de fueras de en fet.

• Mucho: muito.
• Noche: nueit.
• Pecho: peito.
• Ascuchar /ascuchá/: escuitar, ascuitar.

O diftongo -ie- de -iello ye castellanizau a -illo:

• Corrotilla.
• Costilla.
• Crespillo.

Morfolochía

Articlos definius: el, la, es, las

Se conserva a conchunción contimparatiba més, como en benasqués y bella zona de Sobrarbe:

• MAGIS > mais > més

Pronombres presonals de 1º y 2º presonas plurals: nusotros y vusotros.

Morfema presonal de 1º presona plural en -m: cantam,

Encara que o present d'o verbo estar tiene diftongo: el ye, tu yes, o pasau imperfecto no en tiene: el eba en cuenta de el yera.

Lexico especial

En Campo, las palabras «paíno» y «maína» antes significaban abuelo y abuela, y no pas «padrino» y «madrina» como ye regular en atros parlars vecinos, como el fovano. Seguntes Bienvenido Mascaray, la sustitución d'el significau antigo con las palabras «abuelo» y «abuela» ha feit que s'haiga de meter el posesivo tonico (con articlo) a la expresión «l'abuela mía», quan antes no el teniba que llevar, pa que asinas no s'entivoque con qualsiquier abuela d'el llugar. Quan se diba «paíno» y «maína» no caleba meter-les posesivo, porque totz entendeban que se referiba cada un a'l suyo. Millor que en veigam un eixemplo:

• Yo sempre va conocer a maína con panyuelo negro a la cabeza y saya llarga.

Conclusions

Ye una transición entre o benasqués y o baixo-ribagorzano, igual que a Tierra de Campo, Congosto de Ventamillo y Turbón fan de muga entre as dos Ribagorzas, a o norte una Ribagorza Alta de vals más estreitas, monts altos, selva caducifolia y más plevia, y a o sud una Ribagorza Baixa con a Val de l'Esera más ampla y plana, monts más chicos, y clima y vechetación mediterranios.

Referencias

Variedatz orientals de l'aragonés
Altorribagorzano (Benasqués) | Chistabín | Fovano | Meyorribagorzano (incluindo o campés) | Baixorribagorzano (incluindo o foncense, estadillano y grausino)