Rebost

De Biquipedia
(Reendrezato dende Reposte)
Ir a la navegación Ir a la búsqueda
Un rebost en l'actualidat.

Un rebost[1], reboste[2] u reposte[2] ye una cambra u un espacio fresco de la casa a on s'almagazena los alimentos. Los rebostes yeran comuns en las casas antes que se cheneralizás l'uso de los frigorificos.

Un rebost ha d'estar lo mes fresco que siga posible en la casa y a mán d'a on se prepara los alimentos. Antiparte s'ha d'evitar que i entren moscas y ha d'estar fácil de mantener bien limpio. Los rebostes han de tener aparadors y armarios adequaus pa alzar-ie los alimentos.

En lo hemisferio norte la mes gran part de las casas gosaban tener lo suyo rebost y cocina en lo costau norte u este de la casa, a on menos sol recibiba. En lo hemisferio sud posaban los rebostes en los costaus sud y este los la mesma razón.

Muitos rebostes tienen finestras chicotas sin veire con la obridura cubierta por una malla fina. Esto permite la circulación libre de l'aire sin permitir que i entren las moscas. En muitos rebostes han enrecholau u pintau as paretz pa fer-ie mes fácil la limpieza. Los rebostes viellos y de los casalicios mes grans teneban camatrillos y ganchos en lo teito pa pinchar-ie carne u animals cazaus. Atros rebostes teneban envases aislants pa lo chelo, como precursors de los refricheradors modernos. Un rebost puet contener una losa u un aparador de piedra pa mantener l'alimento fresco en tiempos quan no existiba la tecnica de refricheración.

Guardar, recullir u amagar un alimento en un rebost u puesto cerrau suposa a sobén agafar-lo con las mans y situar-lo a una altaria mes gran, d'astí que en aragonés se pueda dicir que s'alza tot lo que se guarda bien en un rebost dixando-lo reculliu u amagau.[3][4][5] Esta accepción especializada de lo verbo alzar se repite como alçar tamién en catalán occidental, sobre tot en valencián (encara que en desuso).

En una casa prou gran de lo sieglo XIX, totas ixas cambras se posaban tant abaixo como fuese posible y convenient en lo edificio pa fer servir la masa de tierra pa conservar-los a baixa temperatura mientres lo verano.

Muitas pocas casas modernas tienen rebostes en lo sentiu antigo, dicindo-se rebost agora a las cambras chicotas chunto a la cocina u a los armarios que bi ha, a son s'alza la bebida y los alimentos envasaus.

Referencias[editar | editar código]

  1. (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003
  2. 2,0 2,1 (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999) p 162
  3. (es) Chabier Tomás Arias: El aragonés del Biello Sobrarbe. Instituto de Estudios Altoaragoneses (1999), p 179
  4. (es) Maria Luisa Arnal Purroy: El habla de la Baja Ribagorza Occidental Institución Fernando el Católico, 1998. p 37
  5. (es) Fernando Romanos Hernando: Al límite. La pervivencia del aragonés en las comarcas del norte de Zaragoza. Diputación de Zaragoza, 2003. p 137