Aragonés meyorribagorzano

De Biquipedia
Ir ta: navego, busca
Meyorribagorzano
Variedat de l'aragonés
Mapa situación meyorribagorzano.svg
Situación d'o meyorribagorzano
Localización cheografica
Territorios Ribagorza meya
Lugar(s) principal(s) Murillo de Llena, Campo, Esplluga, Val de Bardaixí, Val de Lierp, Seira, Barbaruens y Abi
Sociolochía
Vitalidat Meya
Literatura
Rasgos dialectals Aragonés oriental

O meyorribagorzano ye a parla local aragonesa ribagorzana que se charra en a Ribagorza Meya, amán d'o Turbón: Murillo de Llena, Campo, Esplluga, Val de Bardaixí, Val de Lierp, Seira, Barbaruens y Abi.

O congustro de Ventamillo li fa de muga con o benasqués. Entra en contacto con o catalán ribagorzano en a Val de Bacamorta y en A Ribera, val lateral de l'Isabana a o sud d'o Turbón. En A Ribera o catalán ribagorzano ye pareixito a la parla de Sarradui, pero i veyemos influencia d'o meyorribagorzano de Campo y Murillo de Llena que creixe dende Villa Carlle ta Torlarribera y dimpués Las Vilas.

A variedat más representativa y conoixita ye o campés (Campo figura en l'ALEANR con as siglas Hu 207.[1] ). Tamién existen estudeos monograficos de l'aragonés d'a Val de Lierp, l'aragonés que plega mes ta l'este.

Referencias[editar | editar código]

  1. (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.


Variedatz orientals de l'aragonés
Altorribagorzano (Benasqués) | Chistabín | Fovano | Meyorribagorzano (incluindo o campés) | Baixorribagorzano (incluindo o foncense, estadillano y grausino)