Matarranya

De Biquipedia
Ir ta: navego, busca
Iste articlo ye sobre a comarca terolana. Se veiga Matarranya (desambigación) ta atros usos.
Matarranya
Comarca d'Aragón
Logo Matarraña.png
Río Matarraña en Valderrobres.jpg
Lo río Matarranya en Val de Robres.
Capital
 •Municipios
Val de Robres y Calazeit
18
Entidat
 •País
 •Provincia
Comarca
Flag of Aragon.svg Aragón
Teruel
Superficie
 •Total

933 km²
Población
 •Total
 •Densidat
 (2005)
8.682 hab.
9,31 hab./km²
Localización de Matarraña (Aragón).svg
Mapa de situación en Aragón
Pachina oficial

La comarca de lo Matarranya ye una comarca aragonesa de la provincia de Teruel que fa parte tanto de lo Baixo Aragón tradicional como de la Francha Oriental d'Aragón.

Cheografía[editar | editar código]

En la suya mayor parte corresponde a lo semontano de los Puertos de Bezeit, macizo montanyoso que se distribuye en lo cabo sud d'esta comarca y tamién por las zonas mugants de las provincias de Tarragona (Puertos d'Horta, Puertos de Tortosa), y Castellón (Puertos de Moriella).

Mugas[editar | editar código]

Muga a lo norte con lo Baixo Aragón-Casp, a l'este con Tarragona, a lo sud con Castellón y a l'ueste con a comarca oficial dita Baixo Aragón. La forman 18 municipios y lo despoblato de Mas de Llaurador.

Parla[editar | editar código]

Fueras de Val Chunquera, que ye con las parlas de lo Guadalop-Mezquín y La Fraixneda, las parlas d'o Matarranya gosan estar prou homochenias y perteneixen a lo subdialecto tortosín chunto con lo que se charra en lo Baixo Ebro, Tierra Alta y Los Puertos de Moriella.

Historia[editar | editar código]

Bi habió una prebatina de reconquiesta con Alifonso I lo Batallero, que plegó ta Horta de Sant Joan, pero dimpués de la batalla de Fraga los cristians rebloron y los musulmans recuperoron la comarca. La reconquiesta definitiva se produció a fins de lo sieglo XII con Alifonso II lo Casto. Dimpués de la reconquiesta gran parte de la comarca fue cedita a l'orden de Calatrava. Lo 24 de chulio de 1175, lo Casto deseparó un territorio concedito teoricament a los calatravos en 1157: Mazalión y la Penya d'Aznar Laganya. La Penya d'Aznar Laganya yera una tenencia con las localidatz de Mezquín y Foz Espalda y con capital en Val de Robres. Mazalión y la Penya d'Aznar Laganya pasan a depender de lo bispe de Zaragoza. Los templers tamién i teneban representación, pero las mugas entre las dos ordens no yeran fixas a lo prencipio, porque feban cambeyos de tierras y lugars.

Seguntes Carlos Laliena los musulmans fuoron acotolatos u forachitatos en la guerra de reconquiesta y la comarca yera vueita. La repoblación estió de mayoría catalana y proveniba de lo campo de Leida. Lo resultato estió que encara huei se charre catalán occidental, como en Leida, Tortosa y Castellón. Existen textos de pagos de indemnizacions a lo bispe de Leida por las decimas y primicias que los repobladors deixan de pagar. Pa atrayer a los repobladors lis daron privilechios y lis facioron pagar impuestos menors, a vida yera más periglosa porque yera una tierra de muga: Os actuals Puertos de Moriella yeran plenos de moros fuyitos de Leida, que podeban fer incursions en territorio cristián. Entre los pobladors amás de catalans, bi heba occitans (Bretó, Gascón, Vidal) y, seguindo lo camín natural de la depresión de l'Ebro, castellans (Molina, Soriano) y aragoneses (Robres, Fonz). Los pobladors no s'establioron con fuerza dica lo zaguer quarto de lo sieglo XIII.

Quan Blasco d'Alagón conquerió Moriella, reinando Chaime I, lo Matarranya dixó d'estar tierra de muga con los moros. En los repartos de la Corona d'Aragón que feba Chaime I, lo Matarranya y la Tierra Alta feguraban en Aragón; anyos dimpués de la muerte de Chaime I la muga local definitiva entre Catalunya y Aragón se fació en lo río Algars tenendo en cuenta la muga definitiva entre calatravos, en la marguin ezquierda de L'Algars y los Templers, en la marguin dreita.

Territorio y población[editar | editar código]

Municipio
Superficie
(km²)
%
d'o total
Población
(2007)
%
d'o total
Densidat
(hab/km²)
Altaria
(metros)
Distancia
ta/dende
Val de Robres
(km)
Lugars
Arens de Ledón 34,27 3,70 213 2,59 6,65 381 24,80
Bezeit 96,72 10,44 608 6,80 6,18 579 6,80
Calazeit 81,33 8,78 1.145 12,80 13,84 511 21,50
Cretas 52,66 5,69 618 7,23 12,08 563 10,20
Fórnols 32,50 3,51 103 1,18 3,20 706 19,30
La Fraixneda 39,37 4,25 511 5,37 11,99 579 11,60
Foz Espalda 39,35 4,25 341 3,89 8,69 712 12,60
Ledón 15,82 1,71 170 2,09 11,63 458 17,20
Mazalión 86,25 9,31 586 6,74 6,88 359 34,50
Mont-royo 79,27 8,56 379 3,84 4,26 857 25,30
Penyarroya de Tastavins 83,28 8,99 517 5,81 6,14 746 20,50
La Portellada 12,92 1,40 262 3,14 21,36 654 10,90
Ráfals 35,61 3,85 170 1,74 4,30 627 18,60
Torre d'Arcas 34,41 3,72 96 1,27 3,25 746 31,60
Torrelconte 19,57 2,11 153 1,96 8,79 497 14,10
Val de Robres 124,04 13,39 2.290 24,88 17,65 508 --
Val d'el Tormo 16,85 1,82 328 4,00 20,89 436 26,00
Val Chunquera 41,84 4,52 403 4,67 9,82 552 16,80
Total 926,06 8.893

Se veiga tamién[editar | editar código]


Municipios d'a comarca Matarranya
Arens de Ledón | Bezeit | Calazeit | Cretas | Fórnols | La Fraixneda | Foz Espalda | Ledón | Mazalión | Mont-royo | Penyarroya de Tastavins | La Portellada | Ráfals | Torre d'Arcas | Torrelconte | Val de Robres | Val d'el Tormo | Val Chunquera


 
Comarcas d'Aragón
Bandera d'Aragón
Alto Galligo · Andorra-Sierra d'Arcos · Aranda · Baixo Aragón · Baixo Aragón-Casp · Baixo Martín · Campo de Belchit · Campo de Borcha · Campo de Carinyena · Campo de Daroca · Chacetania · Cinca Baixa · Cinca Meya · Cinco Villas · Comunidat de Calatayú · Comunidat de Teruel · Cuencas Meneras · Gúdar-Chabalambre · A Litera · Mayestrato · Matarranya · Monegros · Plana de Uesca · Ribagorza · Ribera Alta de l'Ebro · Ribera Baixa de l'Ebro · Sierra d'Albarrazín · Sobrarbe · Semontano de Balbastro · Tarazona y Moncayo · Xiloca · Val de Xalón · Zaragoza