La Fraixneda

La Fraixneda La Freixneda
Municipio d'Aragón
Casa de la Villa de La Fraixneda
Entidat  • País  • Provincia  • Comarca	Municipio Aragón  Teruel Matarranya
Superficie	39,5 km²
Población  • Total  • Densidat	511 hab. (2010) 12,64 hab/km²
Altaria	585 m.
Distancia  • 187 km	enta Teruel
Codigo postal	44596
Coordenatas	40°55’40’’N 0° 4’30’’E
La Fraixneda Situación de La Fraixneda en Aragón
www.LaFresnedaWeb.com

La Fraixneda (La Freixneda en catalán; La Fresneda en castellán) ye un municipio situato en la comarca de lo Matarranya, en la provincia de Teruel.

La suya población ye de 499 habitants (2011) en una superficie de 39,5 km² y una densidat de 12,64 hab/km².

Mugas

Lo suyo termin municipal muga con Torrelconte, con Val de Robres, con La Portellada, con Fórnols, con Val Chunquera y con Val d'el Tormo.

Val Chunquera	Val d'el Tormo
Fórnols		Torrelconte
	La Portellada	Val de Robres

Toponimia

La chent de la redolada emplega la forma castellana de lo toponimo, lo toponimo en catalán orichinal, Freixneda, ya no s'emplega. La forma aragonesa Fraxneda yera usual en textos dende 1375 dica 1446, seguntes Antonio Ubieto Arteta, pero amaneix en textos relativos a l'orden de Calatrava muito antes, y s'emplega encara en lo Fogache de 1495. Tamién existen variants meyevals sin X, Freyneda y Frayneda.

Parla

Lo catalán de La Fraixneda se diferencia de la resta de parlas catalanas de lo Matarranya en l'apichat de la g, j, (que en cuenta de pronunciar-se sonoros como en catalán se pronuncian xordos como en aragonés, dando una tx u ch). Esto puet estar un aragonesismo fonetico:

• txove, txermà, en cuenta de jove, germà.

En los lugars de la redolada lis dicen ia rotxetxen les cireres (ia rogegen les cireres en los atros lugars).

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									3
Partido de los Socialistas de Aragón									2
Partido Aragonés									2
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003	Antonio Algueró	Partido Popular
2003–2007	Antonio Algueró	Partido Popular
2007–2011	Antonio Algueró	Partido Popular
2011–2011	Antonio Algueró	Partido Popular
2011–2015	Javier Adell	Partido de los Socialistas de Aragón

Molimentos

Fa uns sieglos yera un lugar muito rico por l'olio d'oliva. Esto se nota en a gran riqueza monumental, destacando a Casa de la Villa, lo Palacio d'o Marqués de Tosos y la Ilesia. Lo Castiello s'escachó quan as guerras carlistas. Bi ha un convento dencima una muela cristianizando l'antigo culto pagán solar d'ixe tozal.

• Casa de la Villa, edificio de lo sieglo XVI en estilo gotico-renaixentista, protechito legalment dende 2002 con la suya declaración como Bien d'Intrés Cultural.

• Lo Castiello de La Fraixneda ye un castiello situato en lo cabalto de la muela on se troba La Fraixneda. Pertanyó a la Orden de Calatrava y fue destruito en la primera Guerra Carlista, quedando-ne restos d'un torretón.

Veyer tamién

• Lista de municipios de Teruel.