Baixo Aragón-Casp

Iste articlo trata sobre a comarca Baixo Aragón-Casp. Ta atros emplegos se veiga Baixo Aragón (desambigación).

Baixo Aragón-Casp Bajo Aragón-Caspe Baix Aragó-Casp
Comarca d'Aragón
Mar d'Aragón.
Capital  •Municipios	Casp 6
Entidat  •País  •Provincia	Comarca  Aragón Zaragoza
Superficie  •Total	997,3 km²
Población  •Total  •Densidat	12.604 hab. 12,63 hab./km²
Mapa de situación en Aragón
Pachina oficial

O Baixo Aragón-Casp (en castellán Bajo Aragón-Caspe; en catalán Baix Aragó-Casp) ye una comarca aragonesa situada en a provincia de Zaragoza. Destaca l'agricultura adedicada a la producción de l'aceite d'oliva. En ista comarca se troba o entibo de Mequinenza, dito tamién mar d'Aragón por a suya gran amplaria.

Muga a lo norte con os Monegros y a Cinca Baixa, a l'ueste con a Ribera Baixa de l'Ebro y o Baixo Martín, a lo sud con Matarranya y Baixo Aragón y a l'este con Leida y Tarragona.

• Capital: Casp
• Superficie: 997,3 km²
• Población: 12.604 habitants

Ye una comarca de recient creyación. Han tenito problemas entre los concellos pa trobar un nombre comarcal. De feito o Baixo Matarranya forma una entidat cheografica, cultural y lingüistica propia, una parzana u dica una comarca natural (Maella, Favara, Nonasp, Fayón y mesmo Mequinenza), con relacions humanas con a Tierra Alta catalana. Casp tiene mas relación economica con Alcanyiz, sobretot dende que Alcanyiz ha puyato de población y Casp ha baixato. O termin municipal de Casp ye gran y i existiban nuclios de poblacion ya desapareixitos.

Parla

Dende o punto de vista linguistico son curiosas as islas linguisticas prou diferents d'os d'a redolata, o chipranesco en o costato castellanoparlant, con caracters sobrarbeses, y en o costato catalanoparlant o maellán (maellà), con caracters ribagorzanos y valencianos. En Casp o castellán tiene muito substrato aragonés, pero tamién muitos catalanismos, y en Favara son presens bells caracters que no son chenerals en l'alto Matarranya, pero que se troban millor a l'este y a o sud d'esta comarca vecina.

Territorio y población

Municipio	Superficie (km²)	% d'o total	Población (2009)	% d'o total	Densidat (hab/km²)	Altaria (metros)	Distancia ta Casp (km)	Lugars
Casp	503,2	50,5	9.728	65,84	16,9	152	-	Miraflors, Plachas de Chacón, Poblato de Pescadors, Zaragoceta.
Chiprana	39,0	3,9	290	1,96	8,4	178	8,6
Favara	101,6	10,2	1.225	8,29	12,0	242	29,3
Fayón	67,2	6,7	422	2,86	6,4	92	43,8
Maella	174,9	17,5	2.027	13,72	11,9	121	21,5
Nonaspe	111,4	11,2	1.083	7,33	9,5	172	38,1
Total	997,3	100,0	14.775	100,0	13,6	-	-

Se veiga tamién

• Lista de molimentos d'o Baixo Aragón-Casp.