Río Matarranya
| Matarranya | |
|---|---|
 Matarranya en Val de Robres |
|
|
|
|
| Estatos | {{{estatos}}} |
| Territorios |  Aragón |
|
|
|
| Longaria | km |
| Altaria d'o naixedero | m |
| Naixedero | Puertos de Bezeit |
| Desembocadura | Ebro (Fayón) |
| Superficie d'a cuenca | km² |
| Cabal meyano | m³/s |
| {{{mapa}}} | |
Lo río Matarranya ye un afluent de l'Ebro por la marguin dreita.
Naixe la parte de Tarragona de los Puertos de Bezeit en un puesto on confluyen bells barrancos formando un ventallo, aguas ent'alto d'una foz conoixita como L'Estret y a man de la Font del Teix.
En lo suyo curso alto ye lo parache dito "Parrizal" (Parrissal en catalán), en termin municipal de Bezeit, con modelato karstico y selvas de pin nasarro, con presencia de carrasca, buixo y acirón. Salindo de lo Parrizal y a man d'El Fort de Cabrera bi ha un toscar dito La Tosquera de Beseit con una chicota fuent d'augua calient.
Baixando de Bezeit la val s'exampla y ya bi ha una ribera prou ampla pa que i haiga una huerta de relativa importancia y ye on recibe lo suyo primer afluent con categoría de río, que se diz Ulldemó. Un poco més abaixo ye lo zaguer estreitamiento, quan trescurza los materials calsinosos de lo zaguer cabalgamiento de los Puertos de Bezeit en dirección norte.
Se torna a eixamplar quan plega ta los materials terrichens de la Depresión de l'Ebro de Val de Robres. En lo termin de Val de Robres lo cauz ye tan amplo que bi ha amplas extensions de glera que lo río no més puet mover que en las creixitas, que gosan estar en agüerro-hibierno, y a vegatas en primavera.
En lo termin de Val de Robres recibe l'afluent dito río Pena, con auguas regulatas por lo entibo con lo mesmo nombre. Tamién en l'aria de Val de Robres bi ha una ampla curva que fa que pasando por Val de Robres tienga una dirección este-ueste perpendicular a la dirección cheneral norte-sur de lo río.
Entre lo termin de La Portellada y Val de Robres recibe l'afluent dito Tastavins. Dende Favara empecipiará a tener un trazato con meandros. En Nonasp recibe las auguas de lo río Algars.
[editar] Flora
Bi ha selvas de ribera, por un regular las choperas no son naturals, pero si las formacions de sarguera.
[editar] Fauna
Bi ha mayor presencia de loiras y cangrillos de río autoctonos que en atros ríos d'Aragón. En lo curso baixo bi ha presencia de lo peix Salaria fluviatilis, lo solo blenio d'augua dulce. Especies tipicas de peixes de la Matarranya son la madrilla, lo bárbol, lo cap sec, y la quasi desapareixita picaporta.
[editar] Problemas medioambientals
Los problemas medioambientals tradicionals yeran:
- No se depura l'augua residual de los lugars que bi ha en lo curso de lo río.
- Las estraccions d'augua no respetan lo cabal ecolochico de los afluents, como ye lo caso de lo río Pena.
- Las espleitacions de la glera de lo río u graveras a vegatas no han tenito dengún control y han feito destruccions importants de vechetación y suelos de ribera.
- Las tecnicas de regano tradicionals u "riego a manta" malgastan muita augua, y en Maella en especial gastan la mayor parte de los recursos hidricos de la Cuenca.
Dende los anyos 90 bi ha un important problema d'eutrofización por la presencia de muitas granchas de tocins, que han sustituito a la tradicional agricultura de secano de muitos lugars de la redolada). La eutrofización y la manca de riatas en primavera han cambiato l'aspecto de la glera de lo río, que ye cubierta con hierbas.
