Horta de Sant Joan

De Biquipedia

Horta de Sant Joan
Ambista d'Horta de Sant Joan dende Arnes.
Nombre ofizial	{{{nombre_ofizial}}}
Estato	España
Comunidat autonoma	[[{{{comunidá}}}]]
Comunidat autonoma	Cataluña
Probinzia	Tarragona
Probinzia	[[probinzia d'{{{probinziad}}}|{{{probinziad}}}]]
Comarca	Tierra Alta
Monezipio	{{{monezipio}}}
Codigo postal	43596
Superfizie	119 km²
Altaria	542 m.
Distanzia	km á Tarragona
Poblazión	1.287 ab. (2008)
Chentilizio
Ríos	{{{ríos}}}
Pachina web	www.HortaDeSantJoan.es

Horta de Sant Joan ye un monezipio catalán d'a redolada de la Tierra Alta e probinzia de Tarragona.

La suya poblazión ye de 1.287 abitants (2008), en una superfizie de 119 km² e una densidat de poblazión de 10,82 ab/km².

[editar] Cheografía

Ye situato en un pueyo en meyo d'una plana, á 542 metros d'altaria denzima de lo ran de la mar. La parte sur de lo termin ye montañosa, con las zagueras estribazions de lo norte de los Puertos de Bezeit. Lo modelato en los almendrón ha produzito mons con formas curiosas en mallos como Les Roques de Benet u reliebes en cuesta como La muntanya de Santa Bàrbara u Sant Salvador d'Horta, que dende luent parixe conico como un bolcán y que podió estar un mont sagrato dedicato á Chupiter como en Chuseu. En la parte norte son los monts coneixitos como "Els pesells" on se pued trobar bel resto de la Batalla de l'Ebro.

Ye regato por los rios Canaleta, Els Estrets y Algars que naixen en los Puertos de Bezeit. Lo Canaleta baxa fendo una bal entre lo Montsagre y Santa Bàrbara dixando bels puestos ta beyer-lo como pued estar o "Racó de les olles" u El Balneari de la Fontcalda. Els Estrets baxa de los puertos entre fozes de roca biba que li dan lo nombre, tierra compartita entre los lugars d'Horta e Arnes, dica plegar a lo rio Algars que fa muga entre Tergüel e Tarragona. Iste zaguer río desemboca en lo río Matarraña en lo termin de Nonasp.

D'o suyo termín monezipal fa parte o lugar de Moncades.

[editar] Mugas

Lo suyo termin muga a l'ueste con Ledón e Arens de Ledón, a lo norte con Caseres, a lo noreste con Bot, e l'este con Prat de Comte e Paüls, a lo sur e sureste con Alfara de Carles e a lo sur e surueste Arnes.

[editar] Istoria

Fue conquerita por Alifonso I lo Batallero con intenzión de conquerir Tortosa, como se bei en un texto de 1132 on s'espezifica que en ye á sais millas:

Dimpués d'a derrota aragonesa en Fraga (batalla de Fraga), los almorabez la recuperoron. La reconquista definitiba estió con Alifonso II lo Casto. En 1165, Alifonso II lo Casto atorgó á Horta Carta Puebla. Estos territorios yeran en posesión de la Casa de Montcada dica l'año 1177, cuan lo rei Alifoso II zedió la churisdizión á la Orden de lo Temple.

La Orden de lo Temple creyó la Comanda d'Horta. Esta incluiba los autuals termins monezipals d'Arnes, Bot, Caseres, Prat de Comte y Horta de Sant Joan. Se diz que lo terreno de los templers d'Horta ocupaba partes de l'autual termin de Bezeit, on se trobó un cruz de base otogonal, cuan no i eba mugas claras. Los templers impulsoron la redazión de las Consuetuds, compendio de dreito lechislatibo local. En lo llibre dels Feits se fa constar que lo rei Chaime I d'Aragón estió en lo castiello d'Horta muitas begatas. L'año 1317 se suprimió la orden de lo Temple y los suyos bien pasoron a pertenexer a los Espitalers.

[editar] Demografía

[editar] Almenistrazión

[editar] Reparto de conzellers

[editar] Alcaldes

[editar] Curiosidaz

Pablo Picasso teneba un amigo d'Horta y se sape que i estió bibindo dos temporatas (en 1898 y en 1909) una d'ellas recuperando-se d'una malantía beneria. Lo primer cuadro suyo, constumbres aragonesas, se tresbatió y yera lo retrato d'un ombre bestito de baturro que probablement beyió en lo termin de Ledón u Arens de Ledón, á l'atro costato de lo río Algars (on teneba propiedaz lo suyo amigo). Uno de los pocos cuadros suyos que no ye abstracto ye un ritrato de lo parache de Les Roques d'En Benet, uns mallos espezials con forma de capeza d'animal. Lo pintor se inspiró en las suyas carreras, los suyos paisaches y la suya chent pa creyar las obras precursoras de lo cubismo. Lo tiempo que Picasso residió en Horta estió esenzial, él mesmo dizió: Todo lo que sé, lo he aprendido en Horta. Lo lugar inspiró á lo pintor en obras tan conoxitas como La montaña de Santa Bárbara, La bassa d'Horta y La fábrica. Pa profitar este reclamo turistico en Horta bi ha un museu de Picasso con copias de los suyos cuadros.

[editar] Enrastres esternos

• Se beigan as imachens de Commons sobre Horta de Sant Joan.
• (ca) www.HortaDeSantJoan.es, Ayuntamiento d'Horta.
• (ca) Informazión d'Horta de Sant Joan en a pachina web d'a Generalitat de Catalunya.
• (ca) Informazión d'Horta de Sant Joan en a pachina web d'o Institut d'Estadística de Catalunya.

[editar] Referenzias