Moriella

Moriella
Municipio d'o País Valencián
Entidat  • Estato  • Comunidat  • Provincia  • Comarca	Municipio Espanya Comunidat Valenciana Castellón Los Puertos de Moriella
Superficie	413,5 km²
Población  • Total	2.802 hab. (2006)
Altaria	984 m.
Distancia  • 106 km	enta Castellón de la Plana
Codigo postal	12300

Moriella (Morella en catalán, d'on prene lo suyo nombre oficial en castellán) ye un municipio de la provincia de Castellón, situato en la comarca de Los Puertos de Moriella. La suya población ye de 2802 habitants (2006), en una superficie de 413,5 km² con una densidat de 6,78 hab/km².

Cheografía

Los diferents lugars y mases que bi ha en tant extenso termin s'agrupan en denes u decenas (porque primero n'i heba 10), con capitals propias.

Mugas

Lo termin de Moriella muga con Castellfort, Cinctorres, Lo Forcallo, Villores, Palanques, Zurita, Torre d'Arcas (Teruel), Herbers, Castiel de Crabas, Vallibana, Chert, Catín y Aras.

Historia

Los Puertos de Moriella yeran importans pa la comunicación entre los moros de Zaragoza y Valencia, y por ixo Alifonso I lo Batallero la prenió en 1117, con l'aduya de Gastón IV de Biarn. La capital de l'Ebro yera aislata de Valencia, lo suyo prencipal refirme, con la ruta de Los Puertos u Al Burt bloqueyata, y preparata pa ser presa l'anyo vinient.

Dimpués de la batalla de Fraga, los almorabetz recuperoron Moriella, y quan lo Rei Lop reblaba, encara los musulmans consiguioron mantener Moriella por muitos anyos dica que Blasco d'Alagón la reconquerió en 1232.

Blascó d'Alagón atorgó la primera Carta Puebla en 1233 y repobló Moriella con més de 500 familias de l'Alto Aragón. Con la nueva población y la que i heba enantes Moriella esdevenió la tercera ciudat més poblata de lo reino de Valencia dimpués de la capital y d'Exatiba.