Matarraña

De Biquipedia

Iste articlo ye sobre a comarca tergüelana. Se beiga Matarraña (desambigazión) ta atros usos.

Matarraña Matarranya

Lo río Matarraña en Bal de Robres
Estato	{{{estato}}}
País	Aragón
Territorio	{{{territorio}}}
Comunidat autonoma	{{{ccaa}}}
Probinzia	Tergüel
Capital	Balderrobres y Calazeit
Mayor poblazión	{{{mayor_poblazión}}}
Monezipios	18
Superfizie	933 km²
Poblazión Densidat	8.682 ab. (2005) 9,31 ab./km²
Pachina web	Pachina ofizial

La comarca de lo Matarraña (en catalán Matarranya) ye una comarca aragonesa de la probinzia de Tergüel que fa parte tanto de lo Baxo Aragón tradizional como de la Francha de Lebant.

[editar] Cheografía

En la suya mayor parte corresponde a lo semontano de los Puertos de Bezeit, mazizo montañoso que se distribuye en lo cabo sur d'esta comarca e tamién por las zonas mugants de las probinzias de Tarragona e Castellón.

[editar] Mugas

Muga á lo norte con lo Baxo Aragón-Casp, á l'este con Tarragona, á lo sur con Castillón y á l'ueste con o Baxo Aragón. La forman 18 monezipios y lo despoblato de Mas de Llaurador.

[editar] Parla

Fueras de Bal Chunquera, que ye con las parlas d'o Guadalop-Mezquín y La Fraxneda, las parlas de o Matarraña gosan estar prou omochenias y pertenexen á lo sozdialeto tortosín chunto con lo que se charra en lo Baxo Ebro, Tierra Alta y Los Puertos de Moriella.

[editar] Istoria

Bi abió una prebatina de reconquista con Alifonso I lo Batallero, que plegó ta Orta, pero dimpués los cristians rebloron y los musulmans recuperoron la comarca. La reconquiesta finitiba se produzió á finals de lo sieglo XII con Alifonso II lo Casto. Dimpués de la reconquista gran parte de la comarca fue zedita a l'orden de Calatraba. Lo 24 de chulio de 1175, lo Casto deseparó un territorio conzedito teoricament á los calatrabos en 1157: Mazalión y la Peña d'Aznar Lagaña. La Peña d'Aznar Lagaña yera una tenenzia con las localidaz de Mezquín y Foz Espalda y con capital en Bal de Robres. Mazalión y la Peña d'Aznar Lagaña pasan á depender de lo Bispe de Zaragoza. Los templers tamién i teneban representazión, pero las mugas entre las dos ordens no yeran fixas á lo prenzipio, porque feban cambeyos de tierras y lugars.

Seguntes Carlos Laliena los musulmans fuoron acotolatos u forachitatos en la guerra de reconquiesta y la comarca yera bueita. La repoblazión estió de mayoría catalana y probeniba de lo campo de Leida. Lo resultato estió que encara güei se charre catalán ozidental, como en Leida, Tortosa y Castellón. Esisten testos de pagos de indemnizazions á lo bispe de Leida por las dezimas e primizias que los repobladors dixan de pagar. Pa atrayer á los repobladors lis daron pribilechios y lis fazioron pagar impuestos menors, a bida yera más periglosa porque yera una tierra de muga: Os autuals Puertos de Moriella yeran plenos de moros fuyitos de Leida, que podeban fer incursions en territorio cristián. Entre los pobladors a más de catalans, bi eba oczitans(Bretó, Gascón, Vidal) y, seguindo lo camín natural de la depresión de l'Ebro, castellans (Molina, Soriano) y aragoneses (Robres, Fonz). Los pobladors no s'establioron con fuerza dica lo zaguer cuarto de lo sieglo XIII.

Cuan Blasco d'Alagón conquerió Moriella, reinando Chaime I, lo Matarraña dixó d'estar tierra de muga con los moros. En los repartos de la Corona de Aragón que feba Chaime I, lo Matarraña e la Tierra Alta feguraban en Aragón; años dimpués de la muerte de Chaime I la muga local finitiba entre Cataluña y Aragón se fazió en lo río Algars tenendo en cuenta la muga finitiba entre Calatrabos, en la marguin ezquierda de L'Algars y los Templers, en la marguin dreita.

Monezipios d'a comarca Matarraña
Arens de Ledón \| Bal de Robres \| Bal del Tormo \| Bal Chunquera \| Bezeit \| Calazeit \| Cretas \| Fórnols \| La Fraxneda \| Foz Espalda \| Ledón \| Mazalión \| Mon Royo \| Peñarroya de Tastabins \| La Portellada \| Rafals \| Torre d'Arcas \| Torrelconte