Bermudas

Iste articlo ye sobre un territorio britanico. Ta la prenda se veiga bermudas (ropa)

British Overseas Territory of Bermuda
(En detalle) (En detalle)
Lema nacional: Quo Fata Ferunt (latín A on que nos leve o destín)
Himno nacional: God Save the Queen
Capital  • Población  • Coordenatas	Hamilton 970 (2003) 32° 17' N 64° 46' O
Mayor ciudat	Hamilton
Idiomas oficials	anglés
Forma de gubierno Gubernador Chefe d'Estato	Territorio d'Ultramar Richard Gozney S.M. Isabel II
Dependencia  • Dende	1609
Superficie  • Total Mugas Costas	Posición 233º 53 km² 0 km 0 km
Población  • Total  • Densidat	Posición 199º 66.163 (2007) 1.241 hab/km²
PIB (PPA)  • Total (2007)  • PIB per capita	Posición 149º US$ 2,33 millons US$ 36.000
Moneda	Dólar bermudenyo
Chentilicio	Bermudenyo
Zona horaria	UTC-4
Dominio d'Internet	.bm
Codigo telefonico	+1441
Prefixo radiofonico
Codigo ISO	060 / BMU / BM
Miembro de: Reino Unido

As islas Bermudas (en anglés Bermuda) son un territorio autonomo d'ultramar que perteneixe a o Reino Unito, situato en l'Atlantico Norte, debant d'as costas d'America d'o Norte, a l'este de Carolina d'o Sud (Estatos Unitos).

S'atribuye o descubrimiento a Juan Bermúdez, navegant espanyol de Palos de la Frontera (Uelba), en primerías d'o sieglo XVI, probablement en 1503.

S'han convertito en un d'os centros financiers y toristicos mas importants d'o mundo. As Bermudas son consideratas a sobén un paradiso fiscal. Tienen una superficie de 58,8 km²; y una población de 64.500 habitants (2003).

As localidatz prencipals son Hamilton (en ye a suya capital) y a villa historica de Saint George's, declarata Patrimonio d'a Humanidat por a UNESCO.

Os hombres d'istas islas gosan portar uns pantalons curtos caracteristicos que plegan dica o chenullo, derivatos de l'antigo uniforme d'os soldatos britanics, que han pasato a decir-se bermudas (en anglés Bermuda shorts).

Historia

Hamilton, capital d'as islas.

O zaguer gubernador anglés de Bermuda estió George James Bruere qui morió dimpués de destapar un complot muit important mientres a Guerra Revolucionaria Americana en 1780. Dengún no sabeba dica agosto de 2008 a on yera apedecato, dica que un grupo d'arqueologos norteamericans d'a Universidat de Boston, trobaron a suya sepoltura baixo a ilesia de St.Peter d'a ciudat de Saint George's quan yeran buscando a sepoltura d'o capitán de l'armada anglesa, Sir Jacob Weathe muerto tamién en 1783 en St.George's. Ista trobata inesperata remató con a limpieza d'a placa de bronze que yera sobre a tapa d'o sarcofago en a que s'alzaban unas restas humanas. A placa informaba con detalles que as restas perteneixeban a o zaguer gubernador anglés.

Entre 1780 y 1783 bi habió una important epidemia de fiebre anariella que despobló a isla.

	Territorios Britanicos d'Ultramar y Dependencias d'a Corona
	Territorios d'Ultramar: Anguila | Bermudas | Islas Caimán | Islas Cheorchias d'o Sud y Sandwich d'o Sud | Chibraltar | Islas Malvinas | Montserrat | Islas Pitcairn | Santa Helena (Ascensión, Tristán da Cunha) | Territorio Antarctico Britanico | Territorio Britanico de l'Ocián Indico | Islas Turcas y Caicos | Islas Virchens Britanicas Dependencias d'a Corona: Guernési | Jèrri | Isla de Man Bases Sobiranas: Akrotiri y Dhekelia (en Chipre)