Jacques Cartier
De Biquipedia
|
||||||||||||
Jacques Cartier (31 d'abiento de 1491, Saint-Malo, Franzia - 1 de setiembre de 1557), baltizato Jakez Karter, estió lo primer esplorador franzés en America d'o Norte.
[editar] Chobentú
Os empenzipiallos d'a suya bida son poco conoxitos. En 1520 se casó con Catherine, filla de Jacques des Granches, condestable de Saint-Malo, matrimonio que millora la suya categoría sozial.
Bels istoriadors piensan que talmén abió ito á Terranoba con una campaña de pesca, ya que a rechión yera conoxita por os pescadors bascos y bretons. Atros prexinan, alazetando-se en o suyo conoximiento d'o portugués y con as cutianas contimparazions con as suyes memorias de biache entre os amerindios de Nueba Franzia y os brasileños, que talén abió partizipato en bel biache á Brasil, ye fázil que con Giovanni da Verrazzano (encara que iste no eba esplorato más que l'America d'o norte y no pas l'America d'o sur).
Nabegán de gran perizia, en 1532 fue presentanto á o rei de Franzia por o abat d'o monesterio d'o Mont-Saint-Michel, y en 1534 Franzisco I li mandó que troba-se una rota ta comunicar Europa y Asia por o norte d'America (o clamato «paso d'o norueste»), ta eludir o control establito por os españols en aquer continén. En fazió tres biaches ta intentar trobar o paso, en 1534, en 1535-1536 y en 1539-1542.
Morió por una epidemia de peste o 1 de setiembre de 1557 en a suya ziudat natal, y ye apedacato en a Seu de San Bizén de Saint-Malo.
