Atenas

Atenas Αθήνα
Localidat de Grecia
Estato  • Periferia  • Prefectura	Grecia Atica Atenas
Superficie	427 km²
Población  • Total  • Densidat	5.005.514 hab. 19.619 hab/km²
Altaria	0 m.
Codigo postal	10x xx, 11x xx, 120 xx
http://www.cityofathens.gr

L'Acropoli d'Atenas con o suyo prencipal molimento, o Partenón

Atenas (en griego Αθήνα, Azína) ye a capital de Grecia. Se clama asinas en honor a la diosa Atena, a suya protectora. Estió cuna d'una d'as primeras democracias formals que se'n tienga constancia y ye o puesto an se troba o Partenón. L'antigua ciudat portuaria d'o Pireu ha estato sorbida por a nueva Atenas. En l'actualidat, a ciudat tien una población d'alto u baixo 4,5 millons de habitants, más d'un tercio d'a población total de Grecia.

Ye comunicada por un aeropuerto ubierto y de nueva construcción, l'Aeropuerto Eleftherios Venizelos, situato a unos 40 menutos en auto d'o centro d'a ciudat.

Historia

A historia d'os atenienses empecipia con un mito.

Antis, a chent d'Atenas, a l'igual que la de tot o mundo y de tot tiempo, contaba sobre os suyos mesmos orichens falordias; pero no se trataba de falordias inventadas por ells: yeran o reflexo de verdatz parcials, malfarchatas y antiguas, de feito irremontables, transmitidas de viva voz de cheneración en cheneración, quasi con toda seguranza por meyo de cantos y baladas .

Y en ixas falordias l'orichen de tot yera una diosa, que dimpués pasaba a formar un tot con a ciudat metiu que heba quasi o mesmo nombre: Atena. Ye un nombre mui antigo, no griego, como cenya la zaguera silaba -na, un sufixo etrusco.

Atenas fue fundada por o lechendario Zecrope, que yera una mezcla d'hombre y sirpient. Gosa ser considerau o primer rei autentico d'Atenas, baixo o suyo reinau Atena se convirtió en patrona d'a ciudat.

Toponimia

Atenas s'escribe en aragonés meyeval como Athenas, os habitants d'Athenas son mencionatos como Athenienos. Como curiosidat en una pachina d'a "Cronica de Morea" escriben Cetinas, talment por pareixito fonetico con "Cetina" en Aragón.

Puestos d'intrés

• L'Acropoli, con o Partenón, Erecteion, Propileos...
• Ágora.
• Arco d'Hadrián.
• Chardins Nacionals, plantaus en o Sieglo XIX.
• Kerameikon.
• Mont Licabeto.
• Molimento de Filopapos.
• Molimento de Lisicrates.
• Museu Arqueolochico Nacional.
• Museu Benaki.
• Olimpeion.
• Plaka.
• Plaza de Monastiraki, an se situa un coloriu mercau d'a carrera y un monesterio ortodoxo que da nombre a lo puesto.
• Plaza de Syndagma, corazón de l'Atenas muderna.
• Pnyx.
• Puerto d'o Pireu.
• Torre d'os Aires.

Esporte

Ceremonia d'apertura d'os Chuegos Olimpicos de 1896.

Atenas Olimpica

Atenas estió l'anfitriona d'os Chuegos Olimpicos de 1896, os Chuegos Olimpicos Intermedios de 1906 y os Chuegos Olimpicos de 2004.

Localidatz achirmanatas

• 1992: Buenos Aires (Archentina).
• Chicago (Estatos Unitos).

Veyer

• Botinadas urbanas en l'UE
• Democracia ateniense
• Imperio ateniense

Vinclos externos

• Se veigan as imáchens de Commons sobre Atenas.
• (en griego) Pachina web oficial d'Atenas.
• (en)/(en griego)Organismo de Transporte Urbano d'Atenas.
• (en)/(en greigo) Pachina web d'o Menisterio griego de Cultura.